ශ්‍රී ලාංකිකයින් ට නැවතත් විද්‍යුත් වීසා (e-visa) බලපත්‍ර නිකුත් කිරීමට ඉන්දියාව තීරණය කර තිබේ. මෙරට ඉන්දීය මහකොමසාරිස් කාර්යාලය මේ බව නිවේදනය කර තිබේ. සංචාර, ව්‍යාපාරික කටයුතු, සම්මන්ත්‍රණ, සමුළු ඇතුළු තවත් කටයුතු සඳහා ඉන්දියාවට යෑමට අපේක්ෂා කරන ශ්‍රී ලාංකිකයන් වෙත මෙම පහසුකම් විවෘතව පවතී.

විද්‍යුත් වීසා නැවතත් ආරම්භ කෙරේ

ශ්‍රී පාද වන්දනාවේ පැමිණෙන රථවාහන සෝදිසි කිරීම සඳහා පොලිස් නිලධාරීන්ට හැටන් පොලිස් කොට්ඨාස සුනඛ අංශයේ 'ස්ටුවඩ්' නමැති සුනඛයාගේ සහාය ලැබී තිබේ. අද (09) දිනයේ හැටන් කොළඹ ප්‍රධාන මාර්ගයේ දියගල ප්‍රදේශයේ දී හැටන් කොට්ඨාස අපරාධ විමර්ෂණ අංශයේ සහ දුෂණ මර්ධන අංශයේ පොලිස් නිලධාරීන් විසින් ස්ටුවඩ් ගේ සහාය ඇතිව මෙම විශේෂ සෝදිසි කිරීම සිදුකර තිබුණි. එම පරීක්ෂාවේ දී ගංජා සහ තිරුබදු රහිතව මෙරටට ආනයනය කරන ලද දුම්වැටි සන්තකයේ තබාගත් සැකකරුවන් තිදෙනෙක් අත්අඩංගුවට ගෙන තිබේ. අත්අඩංගුවට ගත් සැකකරුවන් අවුරුදු 20ත් 30ත් අතර වයස් කාණ්ඩවල පසුවන අය බව පොලීසිය පවසයි. එම සැකකරුවන් හැටන් මහෙස්ත්‍රාත් අධිකරණය වෙත ඉදිරිපත් කිරීමට නියමිතය. <iframe class="ql-video" frameborder="0" allowfullscreen="true" src="https://www.youtube.com/embed/57SmkIHLRzI?showinfo=0"></iframe>

ශ්‍රී පාදය වඳින්න යන ඔබ ස්ටුවඩ් සුනඛයාගෙන් ප්‍රවේශම් වෙන්න

සුරංගනා කතාවක් නොවේ ස්විස්ටර් ලන්තය කියපු ගමන් අපේ මතකයට නැගෙන්නේ රසම රස චොකලට් එහෙමත් නැතිනම් වටිනා ඔරලෝසු.&nbsp;&nbsp;කිරිසාරයෙන් පිරුණු චොකලට් වලට ඇති ප්‍රසිද්ධිය නිසාම ස්විස්ටර්ලන්තය හා ගව පාලනය අතර තියෙන්නේ නොබිදිය හැකි සම්බන්ධතාවක්. ස්වාභාව සෞන්ධර් යෙන් අගතැන්පත් රටක් වන ස්විස්ටර්ලන්තයට ඇල්ප්ස් කඳු වළල්ල එකතු කර ඇත්තේ කදිම සුන්දරත්වයක්. කිරි, ගවයන්, ඇල්ප්ස්කදු වළල්ල ආදී වූ මේ දේවල් ගැන කියමින්&nbsp;අපි මේ එන්නේ පසු ගිය දිනක ස්විස්ටර්ලන්තයේ ඇල්ප්ස් කඳු නිම්නයේ සිදු වූ අපූරු සිදුවීමක් ගැන ඔබට කියන්න.&nbsp; පසුගිය දිනක ඇලැප්ස් කඳු නිම්නයේ ජීවත්වන මිනිසුන් මින් කිසිදාක දැක නොතිබුණු හරි අපූරු දෙයක් දැක්කා. ඒ තමයි ඇල්ප්ස් කදු නිම්නයේ ජීවත් වූ කිරි ගවයින් ඇල්ප්ස් කඳු මුදනට ඉහළ අහසින පියාසර කරන ආකාරය. මෙම දර්ශනය පැය දෙකක කාලයක් පුරා සිදු වුනු අතර මේ විදිහට ගවයින් තිස් දෙදෙනකු ඇල්ප්ස් කඳු ශිරක වෙත පියාසර කර තිබුණා.&nbsp; මේ අති දුර්ලබ සුවිශේෂී සිදුවිම දැක ගැනීමට කලක් අප සමග එකට වැඩ කළ මේ වන විට ස්විස්ටර්ලන්තයේ පදිංචිව සිටින&nbsp;අපේ මාධ්‍ය සගයින් දෙදෙනකු වන ශසී සුභ්‍රමන්යන් හා සුනේත්‍රා ඇතුගල්පුරට වාසනාවා උදාවෙලා තියෙනවා. සම්මානලාභී ඡායාරූප ශිල්පයකු වන ශෂී එම සිදුවීම තමන්ගේ කැමරා කවඡයේ සටහන් කරගනිද්දී සුනේත්‍රා වෙච්ච සිදුවීම සවිස්තරාත්මකව ඇගේ මූනුපොතේ සටහන් කර තිබූ ආකාරය පහත වීඩියෝවෙන් බලන්න.... <iframe class="ql-video" frameborder="0" allowfullscreen="true" src="https://www.youtube.com/embed/qpJzCQKhfOw?showinfo=0"></iframe>

අහසින් ගිය හරක්

කුරුණෑගල වාරියපොල ‌ඓතිහාසික ගොන්නව ශ්‍රී විෂ්ණු දේවාලයේ නව බස්නායක නිලමේ ලෙස චන්දන ඒකනායක මුල්ලේගම තේරී පත්ව තිබේ. ඒ, අද පැවති ඡන්ද විමසුමෙන් ඔහු වැඩි ඡන්ද ප්‍රමාණයක් ලබාගැනීමත් සමග ය.

වාරියපොල ශ්‍රී විෂ්ණු දේවාලයේ නව බස්නායක නිලමේ චන්දන ඒකනායක

එකතු කළ අගය මත බදු (සංශෝධන) පනත් කෙටුම්පත සංශෝධන සහිතව වැඩි ඡන්දයෙන් අද (09) පාර්ලිමේන්තුවේදී සම්මත විය. එකතු කළ අගය මත බදු (සංශෝධන) පනත් කෙටුම්පත දෙවනවර කියවීම සඳහා විරුද්ධ පාර්ශවයෙන් ඡන්ද විමසීමක් ඉල්ලා සිටි අතර එහිදී පනත් කෙටුම්පතට පක්ෂව ඡන්ද 82ක් ලැබුණ අතර විරුද්ධව ලැබුණු ඡන්ද සංඛ්‍යාව 52කි. එකතු කළ අගය මත බදු (සංශෝධන) පනත් කෙටුම්පත තෙවනවර කියවීම සඳහාද විරුද්ධ පාර්ශවය විසින් ඡන්ද විමසීමක් ඉල්ලා සිටි අතර එහිදී පනත් කෙටුම්පතට පක්ෂව ඡන්ද 82ක් හිමිවූ අතර විරුද්ධව ඡන්ද 41ක් හිමි විය. දේශීය ආදායම් (සංශෝධන) පනත් කෙටුම්පතද දෙවනවර කියවීම සඳහා විරුද්ධ පාර්ශවයෙන් ඡන්ද විමසීමක් ඉල්ලා සිටි අතර එහිදී පනත් කෙටුම්පතට පක්ෂව ඡන්ද 83ක් ලැබුණු අතර විරුද්ධව ඡන්ද 41ලැබිණි.

වැට් බදු පනතත් සම්මතයි

එළඹෙන සති අන්තය ඇතුළු දින තුනක් පැය දෙකයි විනාඩි 20ක විදුලි කප්පාදුවක් සඳහා අනුමැතිය දුන් බව මහජන උපයෝගිතා කොමිසමේ සභාපති ජනක රත්නායක අද (9) පැවසීය. ඒ අනුව හෙට (10) සිට 12 වැනිදා දක්වා ‘ඒ’ සිට ‘ඩබ්ලිව්’ දක්වා කලාප 20 ට දහවල් කාලයේ පැයක ද, රාත්‍රී කාලයේ පැයයි විනාඩි 20 ක් ද, ලෙස විදුලි කප්පාදුවක් ක්‍රියාත්මක කිරීමට අවසර දුන් බවත් ජනක රත්නායක වැඩි දුරටත් පැවසීය.

සති අන්තයේ විදුලිය කැපෙන්නේ මෙහෙමයි

ගාලු මුවදොර පැවැති "ගෝඨා ගෝ ගම" අරගල භූමියට පහරදීමේ සිද්ධිය සම්බන්ධයෙන් ඉදිරිපත් කර තිබූ පෙත්සම් 05ක් විභාගයට ගැනීමට ශ්‍රේෂ්ඨාධිකරණය අවසර දී තිබේ. ඉකුත් මැයි මස 09 වනදා ගාලු මුවදොර පැවැති "ගෝඨා ගෝ ගම" අරගල භූමියට කඩාවැදී පහරදීමේ සිද්ධිය තුළින් සිය මූලික අයිතීන් උල්ලංඝනයවූ බව පවසමින් අරගලකරුවන් 05 දෙනෙක් විසින් මෙම මූලික අයිතිවාසිකම් පෙත්සම් 05 ඉදිරිපත් කර තිබුණි. ඒ අනුව අදාළ පෙත්සම් සම්බන්ධයෙන් ජුනි මස 22 වනදා අධිකරණය හමුවේ කරුණු දක්වන්නැයි දන්වා එහි වගඋත්තරකරුවන් වශයෙන් නම් කර සිටි හිටපු ජනාධිපති මහින්ද රාජපක්ෂ, නාමල් රාජපක්ෂ, සනත් නිශාන්ත, ජොන්ස්ටන් ප්‍රනාන්දු, ප්‍රසන්න රණතුංග, බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්, පොලිස්පති ඇතුළු පිරිසක් වෙත ශ්‍රේෂ්ඨාධිකරණය විසින් නොතීසි නිකුත් කර ඇත. ලහිරු චානක ඇතුළු අරගලකරුවන් පස් දෙනෙකු විසින් මෙම පෙත්සම් ගොනුකර තිබුණි.

"ගෝඨා ගෝ ගම"ට පහරදුන් සිදුවීමට මහින්ද ඇතුළු පිරිසකට නොතීසි

ශ්‍රී ලංකා හිටපු ක්‍රිකට් ක්‍රීඩකයෙකු මෙන්ම පුහුණුකරුවෙකු වන චමින්ද වාස් එළඹෙන බංග්ලාදේශ ප්‍රිමියර් ලීග් තරගාවලියේ වේග පන්දු පුහුණුකරුවෙකු ලෙස එක්වීමට නියමිතයි. චමින්ද වාස් ඩකා ඩොමිනේට්ස් කණ්ඩායම සමඟ එක්වීමට නියමිත ඇත. ඩකා ඩොමිනේට්ස් කණ්ඩායමේ නායකත්වය බංග්ලාදේශ වේග පන්දු යවන ක්‍රීඩක තස්මින් අහමඩ්ට හිමිව තිබේ. බංග්ලාදේශ ප්‍රිමියර්ලීග් තරගාවලිය ලබන වසරේ ජනවාරි 5 වනදා පැවැත්වීමට මේ වන විට සියලු කටයුතු සූදානම් කර ඇත.

චමින්ද වාස්ට අලුත් තනතුරක්

ලංකා සතොස අත්‍යවශ්‍ය භාණ්ඩ තුනක මිල අඩු කිරීමට පියවර ගෙන තිබේ. එම මිල අඩු කිරීම අද (9) සිට ක්‍රියාත්මකයි. ඒ අනුව කීරි සම්බා සහල් කිලෝග්‍රෑමයක මිල රුපියල් 10 කින්ලොකු ළූණු රුපියල් 16 කින්ග්‍රෑම් 425ක ටින් මාළු ටින් එකක මිල රුපියල් 35 කින් ද අඩු කර තිබේ. ඒ අනුව කීරි සම්බා සහල් කිලෝග්‍රෑමයක නව මිල සටහන් වන්නේ රුපියල් 215ක් ලෙස වන අතර, ලොකු ළුණු කිලෝවක නව මිල සටහන් වන්නේ රුපියල් 199ක් ලෙසයි. එමෙන්ම ග්‍රෑම් 425ක ටින් මාළු ටින් එකක නව මිල රුපියල් 495ක් ලෙස ද පහළ දමා තිබේ.

විද්‍යුත් වීසා නැවතත් ආරම්භ කෙරේ