පාකිස්තාන සුපිරි වේගපන්දු යවන ක්‍රීඩක ශහීන් ෂා අෆ්රිඩි මෙවර ලංකා ප්‍රිමියර් ලීග් LPL තරගාවලියට එක්වීමට නියමිතව තිබේ.

ඔහු LPL තරගාවලියට එක්වන පළමු අවස්ථාව මෙය වන අතර ඊට අදාළ අනුමැතිය පාකිස්තාන ක්‍රිකට් පාලක මණ්ඩලය විසින් ලබා දී ඇති බව විදෙස් මාධ්‍ය වාර්තා කර තිබේ.

ඒ අනුව, ශහීන් ෂා අෆ්රිඩි මෙවර LPL තරගාවලියේදී කැන්ඩි රෝයල්ස් කණ්ඩායම නියෝජනය කරන බව සඳහන් වෙයි.

LPL ක්‍රිකට් තරගාවලිය එළැඹෙන 17 වනදා සිට අගෝස්තු 8 වනදා දක්වා පැවැත්වීමට නියමිතව තිබේ.