පවතින වැසි අධික කාලගුණ තත්ත්වය හේතුවෙන් දිස්ත්‍රික්ක නවයකට අදියර එක සහ දෙක යටතේ නායයෑමේ අනතුරු ඇඟවීම් නිවේදන නිකුත් කිරීමට ජාතික ගොඩනැගිලි පර්යේෂණ ආයතනය පියවරගෙන තිබේ.

ඒ අනුව අදියර දෙක යටතේ බදුල්ල දිස්ත්‍රික්කයේ පස්සර ප්‍රාදේශීය ලේකම් කොට්ඨාසයටත් කෑගල්ල දිස්ත්‍රිකයේ දැරණියගල ප්‍රාදේශීය ලේකම් කොට්ඨාසයටත් නුවරඑළිය දිස්ත්‍රික්කයේ නිල්දන්ඩාහින්න, වලපනේ සහ අඹගමුව කෝරලේ යන ප්‍රාදේශීය ලේකම් කොට්ඨාසවලටත් අදියර දෙක යටතේ අවදානයෙන් සිටින ලෙසට අනතුරු අඟවා ඇත.

එමෙන්ම මහනුවර දිස්ත්‍රික්කයේ උඩුදුම්බර ප්‍රාදේශීය ලේකම් කොට්ඨාසයටත් රත්නපුර දිස්ත්‍රික්කයේ ඇහැලියගොඩ, ඇලපාත, ⁠අයගම සහ වැලිගෙපොල යන ප්‍රාදේශීය ලේකම් කොට්ඨාසවලටත් අනතුරු ඇඟවීම් නිකුත් කර ඇත්තේ අදියර එක යටතේය.

බදුල්ල දිස්ත්‍රික්කයේ මීගහකිවුල ප්‍රාදේශීය ලේකම් කොට්ඨාසයටත් කොළඹ දිස්ත්‍රික්කයේ පාදුක්ක සහ සීතාවක යන ප්‍රාදේශීය ලේකම් කොට්ඨාසවලටත් ගාල්ල දිස්ත්‍රික්කයේ තවලම, ඇල්පිටිය සහ ⁠කරන්දෙනිය යන ප්‍රාදේශීය ලේකම් කොට්ඨාසවලටත් කලුතර දිස්ත්‍රික්කයේ ⁠වලල්ලවිට, පාලින්දනුවර, ඉංගිරිය සහ ⁠බුලත්සිංහල යන ප්‍රාදේශීය ලේකම් කොට්ඨාසවලටත් අදියර එක යටතේ විමසිලිමත්ව සිටින ලෙසට අනතුරු අඟවා ඇත. 

මහනුවර දිස්ත්‍රික්කයේ උඩුනුවර, තුම්පනේ, මිණිපේ සහ යටිනුවර යන ප්‍රාදේශීය ලේකම් කොට්ඨාසවලටත් කෑගල්ල දිස්ත්‍රික්කයේ අරණායක, ⁠යටියන්තොට, ⁠බුලත්කොහුපිටිය, ⁠මාවනැල්ල, ⁠රුවන්වැල්ල, කෑගල්ල සහ වරකාපොල යන ප්‍රාදේශීය ලේකම් කොට්ඨාසවලටත් අදාළ අනතුරු ඇඟවීම බලාත්මක වේත

නුවරඑළිය දිස්ත්‍රික්කයේ ⁠මතුරට, කොත්මලේ බටහිර, ⁠කොත්මලේ නැගෙනහිර සහ ⁠හඟුරන්කෙත යන ප්‍රාදේශීය ලේකම් කොට්ඨාසවලටත් මොණරාගල දිස්ත්‍රික්කයේ වැල්ලවාය ප්‍රාදේශීය ලේකම් කොට්ඨාසයටත් රත්නපුර දිස්ත්‍රික්කයේ ⁠ගොඩකවෙල, කොලොන්න, ⁠බලන්ගොඩ සහ රත්නපුර යන ප්‍රාදේශීය ලේකම් කොට්ඨාසවලටත් අදියර එක යටතේ විමසිලිමත්ව සිටින ලෙසට අනතුරු අඟවන බව ජාතික ‌ගොඩනැගිලි පර්යේෂණ ආයතනය වැඩිදුරටත් සඳහන් කළේය.