වනුආටු (Vanuatu) රාජ්‍යයට අයත් සෝලා ප්‍රදේශයට බටහිර දෙසින් පිහිටි සාගර කලාපයේ රික්ටර් මාපකයේ ඒකක 7.2ක ප්‍රබලතාවයෙන් යුත් භූමිකම්පාවක් සිදු වී ඇති බව අමෙරිකානු භූ විද්‍යා සමීක්ෂණ ආයතනය (USGS) නිවේදනය කළේය.

එම ආයතනයේ තොරතුරුවලට අනුව, මෙම භූමිකම්පාව සෝලා ප්‍රදේශයේ සිට කිලෝමීටර් 200ක් පමණ බටහිරින් පිහිටි මුහුදු තීරයේ සිදුව ඇත.

සාගර පතුලේ සිට කිලෝමීටර් 10ක් පමණ ගැඹුරින් මෙය හටගෙන ඇති බවද අමෙරිකානු භූ විද්‍යා සමීක්ෂණ ආයතනය වැඩිදුරටත් පැවසීය.