අප්‍රේල් මාසයේ මුල් දින 5 තුළදී ශ්‍රී ලංකාවට සංචාරකයින් 26,800ක් පැමිණ ඇති බව ශ්‍රී ලංකා සංචාරක සංවර්ධන අධිකාරිය පවසයි.

නිකුත් කළ නවතම දත්ත අනුව, එම කාලය තුළ ඉන්දියාවෙන් සංචාරකයින් 7,562ක් පැමිණ ඇති අතර, එය සමස්තයේ 28%ක් වේ.

එමෙන්ම, රුසියාවෙන් 1,623ක්, ජර්මනියෙන් 1,090ක්, එක්සත් රාජධානියෙන් 2,854ක්, චීනයෙන් 1,537ක් සහ ඔස්ට්‍රේලියාවෙන් 2,794 ක් ද මෙම කාලය තුළ ශ්‍රී ලංකාවට පැමිණ ඇත.

තවද, 2026 ජනවාරි 01 සිට අප්‍රේල් 05 දක්වා සමස්ත සංචාරක පැමිණීම් සංඛ්‍යාව 767,434ක් ලෙස වාර්තා වී තිබේ.

ඒ අතරින් ඉන්දියාවෙන් 154,835ක්, රුසියාවෙන් 67,541ක් සහ එක්සත් රාජධානියෙන් 81,274ක් සංචාරකයින් පැමිණ ඇති බවද එම අධිකාරිය සඳහන් කළේය.