තායිලන්තයේ පැවති ලොව විශාලතම ප්‍රේක්ෂක ආකර්ෂණයක් සහිත රූ රැජින තරගාවලියක් වන මිස් ග්‍රෑන්ඩ් ඉන්ටර්නැෂනල් - 2026 (Miss Grand International - 2026 ) සදහා ශ්‍රී ලංකාව නියෝජනය කරමින් සහභාගී වූ නෙතකි ලොකුගමගේ එහි තරගකාරී රටවල් 40 අතරට ( Country Power Top - 40 ) පැමිණ , එයට හිමි ජයග්‍රහණයත් රැගෙන අද (12) දින උදෑසන කටුනායක ගුවන් තොටුපොළ වෙත පැමිණියාය.

මෙම තරගාවලිය ලෝකයේ රටවල් 80 ක රූ රැජිනියන්ගේ සහභාගීත්වයෙන් ඉකුත් 09/19 දින සිට 10/10 දින දක්වා තායිලන්තයේ බැංකොක් නුවර පවත්වා තිබුණි.

ඇය මෙම ජයග්‍රහණයත් රැගෙන අද (12) දින උදෑසන 10.30 ට තායිලන්තයේ බැංකොක් නුවර සිට ශ්‍රී ලන්කන් ගුවන් සේවයේ යූ.එල්.- 403 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි.

20 හැවිරිදි වියේ පසුවන නෙතකි ලොකුගමගේ මෙරට මිස් ග්‍රෑන්ඩ් ශ්‍රී ලංකා රූ රැජින තරගාවලිය ජයග්‍රහණය කළ , ඕස්ට්‍රේලියාවේ විශ්ව විද්‍යාලයක ඉගෙනුම ලබන උපාධි අපේක්ෂිකාවකි.