කඩුවෙල වැලිවිට කැලණි ගඟේ පාලම අසල තිබී මළ සිරුරක් සොයාගෙන තිබේ.

මරණකරු 38 හැවිරිදි අයෙක් බවත් ඔහු දොම්පේ ප්‍රදේශයේ පදිංචි අයෙක් බවත් පොලීසිය සඳහන් කරයි. 

පාලම අසල නාදුනන පුද්ගලයෙකුගේ මළ සිරුරක් දුටු ප්‍රදේශවාසීන් මේ සම්බන්ධයෙන් කඩුවෙල පොලිස් ස්ථානය දැනුවත් කර ඇත.

ඉන් අනතුරුව එම ස්ථානයට පැමිණි පොලිස් නිලධාරින් සිදු කළ පරීක්ෂාවකදී ඔහුගේ ජාතික හැඳුනුම්පත සොයාගෙන ඇති අතර ඉන් ඉහත තොරතුරු අනාවරණ කරගෙන තිබේ.

එම මළ සිරුරේ කැපීම් කෙටීම් තුවාල කිහිපයක්ද දැකගත හැකිවූ බව අද දෙරණ වාර්තාකරු සඳහන් කළේය. 

මහේස්ත්‍රාත් පරීක්ෂණය කඩුවෙල වැඩබලන මහේස්ත්‍රාත්වරයා විසින් සිදුකළ අතර නුගේගොඩ සොකෝ පොලිස් කණ්ඩායමේ පරීක්ෂණයෙන් අනතුරුව දේහය අධිකරණ වෛද්‍ය නිලධාරිවරයා වෙත භාරදී ඇත.