කොළඹ නාගරික ප්‍රජාවගේ පාරිභෝගික උද්ධමන අනුපාතය මෙම වසරේ අගෝස්තු මාසයේදී 8%ක් දක්වා ඉහළ ගොස් තිබේ.

ජනලේඛන හා සංඛ්‍යාලේඛන දෙපාර්තමේන්තුව අද (31) නිකුත් කළ කොළඹ පාරිභෝගික මිල දර්ශකයට අනුව, ජූලි මාසයේදී 7.3%ක්ව පැවති උද්ධමන අනුපාතය අගෝස්තු මාසයේදී 8%ක් දක්වා ඉහළ ගොස් ඇත.

මේ අතර, අගෝස්තු මාසයේ ආහාර කාණ්ඩයේ වාර්ෂික උද්ධමන අනුපාතය 8.5%ක් දක්වා ඉහළ ගොස් ඇති අතර, ජූලි මාසයේදී එය 6.3%ක් ලෙස වාර්තා වී තිබුණි.

කෙසේවෙතත්, ආහාර නොවන කාණ්ඩයේ වාර්ෂික උද්ධමන අනුපාතය අගෝස්තු මාසයේදී 7.7%ක් දක්වා අඩු වී තිබේ.

එම අනුපාතය ජූලි මාසයේදී 7.8%ක් ලෙස වාර්තා වී තිබිණි.