අද(24) සිට ක්‍රියාත්මක වන පරිදි අත්‍යවශ්‍ය ආහාර ද්‍රව්‍ය 11ක මිල පහළ දැමීමට ලංකා සතොස ආයතනය තීරණය කර ඇතැයි වෙළෙඳ, වාණිජ, ආහාර සුරක්ෂිතා සහ සමූපකාර සංවර්ධන අමාත්‍යංශය නිවේදනයක් නිකුත් කරමින් සඳහන් කරයි.

ඒ අනුව, රතු ලූණු, රතු පරිප්පු, කඩල, රතු කැකුළු සහල්, බී-ලූණු, අර්තාපල්, නාඩු සහල්, සුදු සීනි, පාන් පිටි සහ ටින් මාළු යන භාණ්ඩවල මිල මෙලෙස අඩු කර ඇත.

දිවයින පුරා පිහිටි සියලුම ලංකා සතොස අලෙවිසැල් හරහා පාරිභෝගිකයින්ට මෙම භාණ්ඩ සහන මිල ගණන් යටතේ මිලදී ගැනීමේ අවස්ථාව හිමි වන බව එම ආයතනය සඳහන් කරයි.

අත්‍යවශ්‍ය භාණ්ඩ ජනතාවට දැරිය හැකි මිලකට ලබාදීමේ රජයේ වැඩපිළිවෙළට අනුව මෙම මිල සංශෝධනය සිදු කර ඇති බව ද ලංකා සතොස ආයතනය වැඩිදුරටත් පවසයි.