වවුනියාව නගරාධිපතිවරයා සහ චාවකච්චේරි නගර සභාවේ උප සභාපතිවරයා වහාම ක්‍රියාත්මක වන පරිදි ඔවුන් දැරූ ධුරවලින් ඉවත් කිරීමට උතුරු පළාත් ආණ්ඩුකාරවරයා පියවර ගෙන තිබේ. 

උතුරු පළාත් ආණ්ඩුකාර නාගලිංගම් වේදනායගම් මහතා විසින් සිදුකළ විශේෂ විමර්ශනයකින් අනතුරුව මෙම තීරණය ගෙන ඇති අතර, ඊට අදාළ විශේෂ ගැසට් නිවේදනයද මේ වන විට නිකුත් කර ඇත.

ආණ්ඩුකාරවරයාගේ මෙම නියෝගයත් සමග, වවුනියාව නගරාධිපති ලෙස කටයුතු කළ සුන්දරලිංගම් කන්දීබන් මහතාට ඔහුගේ නගරාධිපති ධුරය මෙන්ම සභික ධුරයද අහිමි වී තිබේ.

එමෙන්ම, චාවකච්චේරි නගර සභාවේ උප සභාපති ලෙස කටයුතු කළ ඥානප්‍රගාසම් කිෂෝර් මහතාටද ඔහුගේ උප සභාපති ධුරය සහ සභික ධුරය වහාම ක්‍රියාත්මක වන පරිදි අහිමි වී ඇති බව එම ගැසට් නිවේදනයේ සඳහන් වේ.