'Artemis II'යටතේ ගගනගාමීන් සිවුදෙනෙකු රැගෙන ඉතිහාසගත චන්ද්‍ර මෙහෙයුමක නිතර වූ ඔරායන් යානය, සිය සඳ ගවේෂණ මෙහෙයුම සාර්ථකව නිමාකර මෙරට වේලාවෙන් අද (11) අලුයම යානය කැලිෆෝනියාවේ සැන් ඩියාගෝ වෙරළට ඔබ්බෙන් වූ පැසිෆික් සාගරයට ආරක්ෂිතව ගොඩ බස්සවා තිබේ.

ඒ අනුව මිස් 2 චන්ද්‍ර මෙහෙයුම යටතේ, සඳ වටා කැරැකුණු ගගනගාමීන් සිවුදෙනා වන රීඩ් වයිස්මන්, ගගනගාමී වික්ටර් ග්ලෝවර්, ක්‍රිස්ටිනා කොක් සහ ජෙරමි හැන්සන් ආපසු පෘථිවියට පැමිණියහ.

යානය පෘථිවි කක්ෂයට ඇතුළු වීමෙන් පසු, චන්ද්‍ර යානයේ ගගනගාමීන් සිටින මොඩියුලය, එනම් කැප්සියුලය පෘථිවි වායු ගෝලයට ඇතුළු විය.

වායු ගෝලය හරහා ගිනිගෙන දැවෙමින්, එය පහළට පැමිණියේ කිලෝ මීටර් 40,000 කට වඩා වැඩි වේගයකිනි. කැප්සියුලය, සෙල්සියස් අංශක 2,760 කට වඩා අධික උෂ්ණත්වයකට ලක් විය.

ගගනගාමීන් සහ කැප්සියුලය ආරක්ෂා කර වූයේ සවි කර තිබුණු තාප පළිහ නිසාය. ගගනගාමීන් ඔවුන්ගේ තැබිලි පැහැති ගගන ඇඳුම් කට්ටලවලින් සැරැසී සිටියහ.

පැරෂූට් දිග හැරී කැප්සියුලයේ වේගය අඩාල කළ අතර එය සෙමින් සෙමින් පැසිෆික් සාගරයට පතිත වුණු අතර, නාසා බලධාරීන් සහ ඇමෙරිකන් නාවික හමුදාව ගගනගාමීන් සිවුදෙනා පිළිගත්තේ ඔල්වරසන් දෙමිණි.