ස්කොට්ලන්තයේ පැවැත්වෙන පොදුරාජ්‍ය මණ්ඩලීය ක්‍රීඩා උළෙලෙන් ශ්‍රී ලංකාවට ඉහළ බලාපොරොත්තුවක් එක් කරමින්, හෙල්ල විසිකිරීමේ ඉසව්වේ අවසන් තරගයට සුදුසුකම් ලැබීමට ශ්‍රී ලංකා ජාතික ශූර රුමේෂ් තරංග අද (30) සමත් විය.

මූලික තරගයට සහභාගි වූ රුමේෂ් තරංග, මීටර 82.84ක දුරක් සටහන් කරමින් එහි ප්‍රථම ස්ථානය දිනාගනිමින් මෙලෙස අවසන් තරගයට සුදුසුකම් ලබා ඇත. 

මෙම ඉසව්වේ විශේෂත්වය වූයේ ඔලිම්පික් රන් පදක්කම් ලාභීන් දෙපළක් වන ඉන්දියාවේ නීරාජ් චොප්රා සහ පාකිස්තානයේ අර්ෂාද් නදීම් සුපුරුදු පරිදි අභිබවා යමින් රුමේෂ් පෙරමුණ අත්පත් කරගැනීමය. 

එහිදී ඉන්දියාවේ නීරාජ් චොප්රා මීටර 79.61ක දක්ෂතාවක් දක්වමින් 5 වැනි ස්ථානයත්, පාකිස්තානයේ අර්ෂාද් නදීම් මීටර 78.63ක දක්ෂතාවක් දක්වමින් 7 වැනි ස්ථානයත් දිනාගත්හ.

අවසන් තරගයට සුදුසුකම් ලැබූ ක්‍රීඩකයන් 12 දෙනා අතරට පිවිසි සෙසු ක්‍රීඩකයන් අතරට ඉන්දියාවේ රෝහිට් යාදව් (මීටර 78.37 - 9 වැනි ස්ථානය) සහ යෂ් වීර් සිං (මීටර 78.36) යන ක්‍රීඩකයින් ද ඇතුළත්ව සිටිති.

අවසන් තරගයට සුදුසුකම් ලැබූ ක්‍රීඩකයින් 12 දෙනා ඔවුන් ලබාගත් ස්ථාන (ලකුණු/දුර) පිළිවෙළින් මෙසේය:

රුමේෂ් තරංග (ශ්‍රී ලංකාව) – මීටර 82.84

ඇන්ඩර්සන් පීටර්ස් (Anderson Peters) – මීටර 81.29

ඩව් ස්මිට් (Douw Smit) – මීටර 80.64

බෙන් ඊස්ට් (Ben East) – මීටර 80.38

නීරාජ් චොප්රා (Neeraj Chopra - ඉන්දියාව) – මීටර 79.61

කැමරන් මැකින්ටයර් (Cameron McEntyre) – මීටර 78.91

අර්ෂාද් නදීම් (Arshad Nadeem - පාකිස්තානය) – මීටර 78.63

කීෂෝන් ස්ට්‍රෝන් (Keyshawn Strachan) – මීටර 78.60

රෝහිට් යාදව් (Rohit Yadav - ඉන්දියාව) – මීටර 78.37

යෂ් වීර් සිං (Yash Vir Singh - ඉන්දියාව) – මීටර 78.36

කෙෂෝන් වෝල්කොට් (Keshorn Walcott) – මීටර 78.26

චිනෙචෙරෙම් න්නම්ඩි (Chinecherem Nnamdi) – මීටර 75.27