ඉලෙක්ට්‍රොනික වාහන ආදායම් බලපත්‍ර නිකුත් කිරීමේ පද්ධතියේ සිදුකරනු ලබන යාවත්කාලීන කිරීමක් හේතුවෙන් පළාත් 8ක ඉලෙක්ට්‍රොනික ආදායම් බලපත්‍ර සේවාව අද (25) සිට දින තුනක් තාවකාලිකව අක්‍රීය කර තිබේ.

ඩිජිටල් ආර්ථික අමාත්‍යාංශය සඳහන් කරනුයේ ඒ අනුව අද සිට එළැඹෙන 28 වැනි දින දක්වා වූ කාලය තුළ මෙම සේවාව තාවකාලිකව අක්‍රීය කරනු ඇති බවය.

ඒ අනුව මධ්‍යම, උතුරු මැද, වයඹ, දකුණු, නැගෙනහිර, උතුරු, සබරගමුව, ඌව පළාත යන පළාත් 8හි මෙම සේවාව එළැඹෙන 28 වැනි දින දක්වා තාවකාලිකව අක්‍රීය වනු ඇත.

අමාත්‍යාංශය සඳහන් කරනුයේ පරිශීලකයින් වෙත වඩාත් කාර්යක්ෂම සහ උසස් සේවාවක් ලබා දීමේ අරමුණින් මෙම පද්ධතියේ යාවත්කාලීන කිරීමක් සිදුකරන බවය.

කෙසේ වෙතත් එළැඹෙන 29 වැනි අඟහරුවාදා දින සිට නැවත සාමාන්‍ය පරිදි මෙම සේවාවන් ලබා ගත හැකි බවත් ඩිජිටල් ආර්ථික අමාත්‍යාංශය වැඩිදුරටත් සඳහන් කර තිබේ.