පැසිෆික් දූපත් රාජ්‍යයක් වන ෆීජී හී HIV ආසාදිතයන් වේගයෙන් ඉහළ යාම හේතුවෙන් එරට රජය විසින් එය ජාතික හදිසි තත්ත්වයක් ලෙස ප්‍රකාශයට පත් කර තිබේ.

ලක්ෂ 5කටත් වඩා අඩු ජනගහනයක් ජීවත් වන එරට, 2025 වසරේදී පමණක් නව HIV ආසාදිතයන් 2,016ක් වාර්තා වී ඇති අතර, වර්තමානයේ සෑම වැඩිහිටියන් 60 දෙනෙකුගෙන් එක් අයෙකු මෙම වෛරසය සමඟ ජීවත් වන බව සෞඛ්‍ය අංශ අනාවරණය කරයි.

මත්ද්‍රව්‍ය භාවිතයේදී "බ්ලූටූතිං" (Bluetoothing) නමින් හැඳින්වෙන, දැනටමත් මත් වී සිටින අයෙකුගේ රුධිරය තවත් අයෙකුගේ සිරුරට එන්නත් කරගැනීමේ අවදානම් සහගත සහ අනාරක්ෂිත භාවිතයන් මෙම වසංගතය තීව්‍ර වීමට ප්‍රධාන හේතුව වී ඇත.

මෙම අර්බුදයට මුහුණ දීම සඳහා රජය විසින් ඉඳිකටු සහ සිරින්ජ බෙදා හැරීමේ වැඩසටහනක් ක්‍රියාත්මක කිරීමටත්, පරීක්ෂණ සහ ප්‍රතිකාර සේවා පුළුල් කිරීමටත් අවශ්‍ය ව්‍යවස්ථාදායක සංශෝධන හඳුන්වා දීමට නියමිතය.

කෙසේ වෙතත්, සමාජ කලබලකාරීකම් හා බිය නිසා ආසාදිතයන්ගෙන් 39%ක් පමණක් තම තත්ත්වය දන්නා බවත්, 22%ක් පමණක් ප්‍රතිකාර ලබා ගන්නා බවත් එක්සත් ජාතීන්ගේ HIV සහ AIDS පිළිබඳ ඒකාබද්ධ වැඩසටහන (UNAIDS) පෙන්වා දෙයි.

මෙම වසංගතය සම්පූර්ණයෙන් පාලනය කිරීමට වසර පහකට වැඩි කාලයක් ගතවනු ඇති බව එරට සෞඛ්‍ය බලධාරීහු පවසති.