බලංගොඩදී තාප්පයක් කඩා වැටී 07 හැවිරිදි දරුවෙකු මරුට
21 November 2026
බලංගොඩදී තාප්පයක් කඩා වැටී 07 හැවිරිදි දරුවෙකු මරුට
21 November 2026
බලංගොඩ, බැංකියාවත්ත ප්රදේශයේදී තාවකාලිකව ඉදිකර තිබූ තාප්පයක් කඩා වැටීමෙන් ඊට යටවූ හත් හැවිරිදි පිරිමි දරුවෙකු ජීවිතක්ෂයට පත්ව තිබේ.
අද (21) පස්වරු 1.15ට පමණ මෙම අනතුර සිදුව ඇති අතර, බලංගොඩ බැංකියාවත්ත කසළ අංගනය ඉදිරිපිට පිහිටි නිවසේ ඉදිරිපස ඉදිකර තිබූ තාප්පයක් මෙලෙස කඩා වැටී ඇත.
මෙලෙස මියගොස් ඇත්තේ අල්මිනාරා විද්යාලයේ දෙවන ශ්රේණියේ ඉගෙනුම ලබමින් සිටි සෙල්වරාජ් රවිඳු රක්ෂාන් නමැති දරුවෙකු වේ.
දරුවාගේ මව මිදුල අතුගා කසළ ඉවත් කර නැවත පැමිණෙන අවස්ථාවේදී තාප්පයට යටවී සිටි සිය පුත්රයා දැක තිබේ.
අනතුරුව දරුවා වහාම ත්රිරෝද රථයකින් බලංගොඩ මූලික රෝහල වෙත රැගෙන ගොස් ඇති අතර, ඒ වන විටත් ඔහු මියගොස් සිටි බව වෛද්යවරුන් සඳහන් කළේය.
දරුවාගේ මෘත ශරීරය බලංගොඩ මූලික රෝහලේ තැන්පත් කර ඇති අතර පශ්චාත් මරණ පරීක්ෂණය හෙට (22) සිදුකිරීමට නියමිතය.
සිද්ධිය සම්බන්ධයෙන් බලංගොඩ පොලිසිය වැඩිදුර විමර්ශන සිදුකරයි.


