බුලත්සිංහල, ඈගල්ල පාර ප්‍රදේශයේ පිහිටි රෙදිපිළි අලෙවි සැලක් තුළ තිබී අඹුසැමි යුවළකගේ මළ සිරුරු දෙකක් අද (14) සොයාගෙන තිබේ.

බුලත්සිංහල පොලීසියට ලද තොරතුරක් මත වහාම ක්‍රියාත්මක වූ නිලධාරීන් කණ්ඩායමක් එම ස්ථානයට ගොස් සිදුකළ මූලික විමර්ශනවලදී මෙම දේහයන් සොයාගෙන ඇත.

මෙලෙස අභිරහස් ලෙස මියගොස් ඇත්තේ 55 හැවිරිදි කාන්තාවක් සහ ඇයගේ 61 හැවිරිදි සැමියාය.

මරණයට හේතුව මෙතෙක් අනාවරණය වී නොමැති අතර, මෙය ඝාතනයක්ද නැතහොත් වෙනත් හේතුවක් මත සිදුවූවක්ද යන්න සෙවීම සඳහා බුලත්සිංහල පොලීසිය විසින් පුළුල් විමර්ශනයක් ආරම්භ කර ඇත.