ශ්‍රී ලංකාවේ මෝටර් රථ ක්‍රීඩා සම්බන්ධයෙන් ජාතික සංගමය වන 'ශ්‍රී ලංකා මෝටර් රථ ක්‍රීඩා සංගමයේ' ලියාපදිංචිය තාවකාලිකව අත්හිටුවමින් තරුණ කටයුතු හා ක්‍රීඩා අමාත්‍ය සුනිල් කුමාර ගමගේ මහතා විසින් අති විශේෂ ගැසට් නිවේදනයක් නිකුත් කර තිබේ.

ඒ අනුව සංශෝධිත ව්‍යවස්ථාවට අනුකූලව නව නිලධාරීන් තෝරා පත්කර ගන්නා තෙක් එම සංගමයේ කටයුතු අධීක්ෂණය කිරීම සඳහා තරුණ කටයුතු හා ක්‍රීඩා අමාත්‍යාංශයේ ලේකම්වරයා නිසි බලධාරියා ලෙස පත්කර ඇත.