ඊයේ (13) දින දහවල් කාලයේදී තම කුඹුර වෙත පැමිණි පුද්ගලයෙකු කුඹුරට ගොස් ඔහුගේ කකුල් සේදීම සදහා ගැටලාව වැවට බැස ඇති අතර එම අවස්ථාවේ දී වැවෙහි ජලයේ තිබී උණ්ඩ කිහිපයක් දැක ඇත.

මේ පිළිබඳව එම පුද්ගලයා විසින් කඩිනිමනි මේ පිළිබඳව 118 හදිසි ඇමතුම් අංකය හරහා ගලෙන්බිඳුණුවැව පොලිස් ස්ථානය දැනුවත් කර තිබේ.

පසුව මේ පිළිබඳව කඩිනමින් ක්‍රියාත්මක වු ගලෙන්බිඳුණුවැව පොලිස් ස්ථානයේ ස්ථානාධිපති බ්.එම්.එම්.ඩී.එන් චතුරංග මුරමුදලි මහතා ඇතුළු පොලිස් නිළධාරින් පිරිසක් විසින් සිදුකළ පරීක්ෂා කිරීමේදී ගලෙන්බිඳුණුවැව පොලිස් වසමේ ගැටලාව වැවෙහි එක් ස්ථානයක ජලයේ තිබී විවිධ වර්ගයේ ජීව පතොරම් විශාල ප්‍රමාණයක් ඊයේ දින සොයාගැනීමට හැකිවිය.

එහිදී පතොරම් 5038 ක් ප්‍රමාණයක් සොයාගත් බව පොලිසිය සදහන් කරයි.

සොයාගත් උණ්ඩ තොගය මේ වන විට පොලිස් භාරයේ ඇති අතර අද (14) දින විශේෂ පොලිස් කණ්ඩායම් කිහිපයක් යොදවා එම ස්ථානය තවදුරටත් පරීක්ෂා කිරීමට නියමිතය. 

මේ අතර පසුගිය මස (23) වන දින ද ගලෙන්බිඳුණුවැව හුරුළුවැව සදහා දියනෑමට පැමිණි තරුණයන් තිදෙනෙකුටද ඔවුන් දියනෑම සදහා පැමිණි තොටුපලෙහි ආසන්නයේ ගල්ගොඩක තිබී ජීව උණ්ඩ කිහිපයක් දැක තිබූ අතර මේ පිළිබඳව ඔවුන් 119 පොලිස් හදිසි ඇමතුම් අංකය හරහා ගලෙන්බිඳුණුවැව පොලිස් ස්ථානය දැනුවත් කර එදින (23) දින එම ස්ථානය ගලෙන්බිඳුණුවැව පොලිස් ස්ථානයේ නිළධාරින් විසින් සිදුකළ පරීක්ෂා කිරීමේදී එම ස්ථානයේ තිබී T 56 වර්ගයේ උණ්ඩ 10, LMG වර්ගයේ උණ්ඩ 18,අත්බෝම්බයක ගැලවී ඇති පින් 01,T 56 වර්ගයේ පතොරම් ගැබක පතුල කොටසක්,පතොරම් පෙට්ටී ගැලවීමට යොදාගන්නා යතුරු 01

එම ස්ථානයෙන් සොයාගැනීමට හැකිවිය.

මෙම ස්ථානය වැඩිදුරටත් පරීක්ෂා කිරීම සදහා පොලිස් විශේෂ කාර්‍යබලකායේ නිළධාරින් කැදවීමට ද කටයුතු කර ඇත. 

එහිදී පසුගිය මස (25) වන දින Stf නිළධාරින් සිදුකළ පරීක්ෂා කිරීමේදී T 56 උණ්ඩ 53, LMG වර්ගයේ පතොරම් 36, වෙනත් වර්ගයේ පතොරම් 01, 09mm කොපු 02 ක් මෙම ස්ථානයේ සිදුකළ වැඩිදුර පරීක්ෂාවේදී එම නිළධාරින් වෙත හමුවී ඇත.