ලෙබනනයේ බටූලියේ නගරයේ පිහිටි ජලය බෙදාහරින මධ්‍යස්ථානයකට ඊශ්‍රායල හමුදා ප්‍රහාර එල්ල කර ඇති බව ලෙබනනයේ ජාතික පුවත් ඒජන්සිය වාර්තා කරයි.

මෙම ප්‍රහාරය හේතුවෙන් ප්‍රදේශයේ දැඩි අර්බුදකාරී තත්ත්වයක් නිර්මාණය වී ඇත්තේ නගරයේ ඉතිරිව සිටින පදිංචිකරුවන් තම ජල අවශ්‍යතා සපුරා ගැනීම සිදුකර ඇත්තේ මෙම මධ්‍යස්ථානයෙන් බැවිනි.

මීට අමතරව, ඊශ්‍රායල හමුදා විසින් අල්-බයාද් ප්‍රදේශයේ පිහිටි සංචාරක නිකේතනයක් ද පුපුරුවා හැර ඇති බව වැඩිදුරටත් සඳහන් වේ.

පසුගිය දින කිහිපය පුරාම දකුණු ලෙබනනයේ සිවිල් යටිතල පහසුකම් ඉලක්ක කරගනිමින් මෙවැනි ප්‍රහාර එල්ල විය.