දෙමළ ජාතික සන්ධානයේ හිටපු පාර්ලිමේන්තු මන්ත්‍රීවරයෙකු වූ එම්.කේ. ශිවාජිලිංගම් මහතා අභාවප්‍රාප්ත වී තිබේ තිබේ.

මිය යන විට ඒ මහතා 69 හැවිරිදි වියේ පසුවිය.

දෙමළ ජාතික සන්ධානය නියෝජනය කරමින් අවස්ථා දෙකකදී පාර්ලිමේන්තුවට තේරි පත්වූ ඒ මහතා වර්තමානයේ වැල්වැටිතුරෙයි නගර සභාවේ නගරාධිපතිවරයා ලෙසද කටයුතු කළේය.

පසුගිය කාලසීමාව තුළ රෝගී තත්ත්වයෙන් පසුවූ ඒ මහතා ඊයේ (14) රාත්‍රියේ ජීවිතක්ෂයට පත්ව ඇති බවද වාර්තා වේ.

පසුගිය 2001 හා 2004 වර්ෂයන් හිදී දෙමළ ජාතික සන්ධානය තුළින් යාපනය දිස්ත්‍රික්කයෙන් මැතිවරණයට තරග කළ ඒ මහතා එම අවස්ථා දෙකෙහිදිම පාර්ලිමේන්තුව නියෝජනය කළේය.