දැදුරු ඔයේ වාන් දොරටු 4ක් විවෘත කෙරේ
21 November 2026
දැදුරු ඔයේ වාන් දොරටු 4ක් විවෘත කෙරේ
21 November 2026
පවතින වැසි සහිත කාලගුණ තත්ත්වය හේතුවෙන් දැදුරු ඔය ජලාශයේ වාන් දොරටු හතරක් අඩිය බැගින් විවෘත කර ඇති බව වාරිමාර්ග දෙපාර්තමේන්තුව පවසයි.
ඒ අනුව, මේ වන විට තත්පරයකට ඝන අඩි 2,800ක ජල ප්රමාණයක් දැදුරු ඔයට නිකුත් කරමින් පවතින බව එම දෙපාර්තමේන්තුව සඳහන් කළේය.
පවතින වර්ෂාපතනයත් සමඟ ජලාශයට එක්වන ජල ප්රමාණය පාලනය කිරීමේ අරමුණින් මෙලෙස වාන් දොරටු විවෘත කර ඇති බව ද සඳහන් වේ.
මේ හේතුවෙන් ජලාශයට පහළින් දැදුරු ඔය ආශ්රිතව පදිංචි ජනතාව විශේෂ අවධානයෙන් පසුවිය යුතු බව ද වාරිමාර්ග දෙපාර්තමේන්තුව දැනුම් දෙයි.
ඉදිරියේදී ජලාශයට ලැබෙන ජල ප්රමාණය සහ වර්ෂාපතනය අනුව වාන් දොරටු විවෘත කර තබන ප්රමාණය තවදුරටත් වෙනස් විය හැකි බැවින්, වාරිමාර්ග දෙපාර්තමේන්තුව සහ ආපදා කළමනාකරණ අංශ විසින් නිකුත් කරනු ලබන නිවේදන අනුව කටයුතු කරන ලෙස ද ජනතාවට දැනුම් දී තිබේ.
එමෙන්ම, දැදුරු ඔයේ ජල මට්ටමේ සිදුවන වෙනස්වීම් පිළිබඳව අවධානයෙන් පසුවන ලෙස ද ජනතාවට වැඩිදුරටත් උපදෙස් ලබා දී ඇත.


