ශ්‍රී ලංකාව මැයි මස 25 වැනදා සිට රටවල් 40ක් සඳහා දින 30ක නොමිලේ සංචාරක ඉලෙක්ට්‍රොනික සංචාරක අවසරපත්‍ර (ETA) ලබාදීමට තීරණය කර ඇති බව නිවේදනයක් නිකුත් කරමින් ආගමන හා විගමන දෙපාර්ත‌මේන්තුව සඳහන් කරයි.

මෙම පහසුකම ඔස්ට්‍රේලියාව, ඔස්ට්‍රියාව, බහරේන්, බෙලරුස්, බෙල්ජියම, කැනඩාව, චීනය, චෙක් ජනරජය, ඩෙන්මාර්කය, ෆින්ලන්තය, ප්‍රංශය, ජර්මනිය, ඉන්දියාව, ඉන්දුනීසියාව, ඉරානය, ඊශ්‍රායලය, ඉතාලිය, ජපානය, කසකස්තානය, කුවේට්, මැලේසියාව, නේපාලය, නෙදර්ලන්තය, නවසීලන්තය, නෝර්වේ, ඕමානය, පාකිස්තානය, පෝලන්තය, කටාර්, රුසියාව, සෞදි අරාබිය, දකුණු කොරියාව, ස්පාඤ්ඤය, ස්වීඩනය, ස්විට්සර්ලන්තය, තායිලන්තය, තුර්කිය, එක්සත් අරාබි එමීර් රාජ්‍යය, එක්සත් රාජධානිය සහ එක්සත් ජනපදය යන රටවල ජාතිකයින් සඳහා හිමිවේ.

එසේම ශ්‍රී ලංකාවට පැමිණෙන සියලුම විදේශිකයින් පෙර ETA අවසරය ලබාගැනීම අනිවාර්ය බව ද බලධාරීන් සඳහන් කරයි.

තවද මැයි මස 25ට පෙර ගෙවා ඇති ETA ගාස්තු ආපසු නොගෙවන බව ද එම නිවේදනයේ වැඩිදුරටත් සඳහන් වේ.