ප්‍රවීණ බොලිවුඩ් නළු සහ සිනමාකරුවෙකු වන නානා පාටේකර් (Nana Patekar) ඉන්දියාවේ ගෝවා හි පිහිටි ඔහුගේ නිවසේදී හදිසි හෘදයාබාධයක් හේතුවෙන් අභාවප්‍රාප්ත වී තිබේ.

මියයන විට ඔහු 75 වන වියෙහි පසුවිය.

ගෝවාහි නිවසේදී සිහිසුන්ව ඇද වැටී සිටි ඔහු දැඩි හෘදයාබාධයකට ලක්ව ඇති අතර, රෝහල් ආරංචි මාර්ග සඳහන් කරන ආකාරයට ඔහු රෝහලට ඇතුළත් කරන විටත් මියගොස් සිට ඇත.

ඉන්දීය ජාතික චිත්‍රපට සම්මාන තුනක හිමිකරුවෙකු වන නානා පාටේකර්, 'Parinda', 'Ab Tak Chhappan', 'Natsamrat', 'Wajood' සහ 'Yeshwant' වැනි ඉන්දියාව තුළ අතිශය ජනප්‍රිය වූ සිනමා නිර්මාණ රැසකට දායක වී ඇත.

ඔහු 1978 වසරේ 'Gaman' චිත්‍රපටය හරහා බොලිවුඩ් සිනමාවට පිවිසි අතර, 'Welcome' චිත්‍රපටයේ 'උදේ ෂෙට්ටි' නැමැති අපරාධකාර චරිතය මෙන්ම 'Raajneeti', 'Taxi No 9211' සහ මරාති සිනමාකෘතියක් වන 'Natsamrat' හි ඔහුගේ විශිෂ්ට රංගනය වෙනුවෙන් ඉමහත් ජනප්‍රියත්වයක් සහ සම්මාන හිමිකර ගත්තේය.

රංගනයට අමතරව ඔහු චිත්‍රපට කිහිපයක් සඳහා පසුබිම් ගායනයෙන් ද දායක වී ඇති අතර, ඔහුගේ වියෝව ඉන්දියානු සිනමාවට දැරිය නොහැකි පාඩුවක් බව ඉන්දීය මාධ්‍ය වැඩිදුරටත් සඳහන් කර ඇත.