සංචාරක බංග්ලාදේශ කණ්ඩායම සහ ශ්‍රී ලංකා කණ්ඩායම අතර පැවැත්වෙන විස්සයි20 ක්‍රිකට් තරගාවලියේ අද (10) දිනයේ පැවැත්වීමට නියමිත ආරම්භක තරගයේ ප්‍රවේශපත්‍ර සියල්ල අලෙවි වී අවසන් බව ශ්‍රී ලංකා ක්‍රිකට් ආයතනය දැනුම් දී ඇත.

මේ හේතුවෙන් තවදුරටත් ප්‍රවේශපත්‍ර අලෙවි කුටි වෙත පැමිණීමෙන් වළකින ලෙසත් තවත් විකිණීමට කිසිදු ප්‍රවේශපත්‍රයක් ඉතිරිව නොමැති බවත් ශ්‍රී ලංකා ක්‍රිකට් ආයතනය ජනතාවට දැනුම් දී තිබේ.

ප්‍රවේශපත්‍ර හිමි පිරිසට ක්‍රීඩාංගණයට ඇතුළුවීම සඳහා පස්වරු 5 සිට ගේට්ටු විවෘත කරන බව සඳහන් වේ.

තරගය අද සවස 7 ට මහනුවර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතය.