brand logo
SSP පහරදීමෙන් වැඩබලන පොලිස් ස්ථානාධිපති රෝහලට

SSP පහරදීමෙන් වැඩබලන පොලිස් ස්ථානාධිපති රෝහලට

7 days ago | ඉසුරු කාවින්ද - ගලෙන්බිඳුනුවැව

Share on

කැබිතිගොල්ලෑව කොඨාසය භාරව සිටින ජේෂ්ඨ පොලිස් අධිකාරිවරයා විසින් තමාට පහරදුන් බව පවසමින් කැබිතිගොල්ලෑව මුලස්ථාන පොලිස් ස්ථානයේ වැඩබලන ස්ථානාධිපතිපති ලෙස රාජකාරී සිදුකරන ප්‍රධාන පොලිස් පරීක්ෂකවරයා විසින් ඊයේ (24) කැබිතිගොල්ලෑව රෝහල වෙත ඇතුළත් වී ඇත.


පසුව වැඩිදුර ප්‍රතිකාර සදහා වැඩබලන ස්ථානාධිපතිපතිවරයාව අනුරාධපුර ශික්ෂණ රෝහල වෙත මාරු කර යවා ඇති අතර ඔහු මේ වන විට අනුරාධපුර ශික්ෂණ රෝහලේ 11 වන වාට්ටුවේ ප්‍රතිකාර ලබන බවටයි වාර්තා වේ.


එම පොලිස් පරීක්ෂක වරයාගේ කම්මුල ප්‍රදේශයට සහ මුඛය අභ්‍යන්තරයට හානි සිදුවී ඇති බව සදහන් වේ.


කැබිතිගොල්ලෑව පොලිස් ස්ථානයේ දුෂණ මර්දන ඒකකය මගින් ඉකුත් 22 වනදා ගෝඩා ලීටර් විස්සක් සමග අත්අඩංගුවට ගෙන අධිකරණයට ඉදිරිපත් කළ සැකකරුවෙකු සම්බන්ධයෙන් අවශ්‍ය ලියවිල්ලක් ලබාගැනීම සදහා ජ්‍යෙෂ්ඨ පොලිස් අධිකාරීවරයාගේ කාර්යාලයට පැමිණ තිබේ.


පසුව කැබිතිගොල්ලෑව ජේෂ්ඨ පොලිස් අධිකාරීවරයා විසින් එලෙස නීති විරෝධී මත් ද්‍රව්‍ය සම්බන්ධයෙන් වරදකර වු එම සැකකරු රිමාන්ඩ් නොකිරීම සම්බන්ධව පහර කෑ පොලිස් පරීක්ෂකවරයාගෙන් විමසා තිබේ.


එම අවස්ථාවේදී එම නිලධාරීන් දෙදෙනා අතර යම් බහින්බස් වීමක් සිදුවී ඇති අතර පසුව කැබිතිගොල්ලෑව ජේෂ්ඨ පොලිස් අධිකාරීවරයා විසින් මෙම පොලිස් පරීක්ෂකවරයා වෙත පහර දී තිබෙන බව වාර්තා වේ.

loading...