2027 වර්ෂය සඳහා වන අයවැය යෝජනා රැගෙන ජනාධිපති අනුර කුමාර දිසානායක මහතා පාර්ලිමේන්තු සභාගර්භය වෙත පැමිණ තිබේ.

අද (12) පෙරවරුවේ රැස්වු අමාත්‍ය මණ්ඩලය විසින් අයවැය යෝජනාවලිය සඳහා අනුමැතිය ලබා දුන් බව රජයේ ප්‍රවෘත්ති දෙපාර්තමේන්තුව පැවසුවේය.

ජාතික ජන බලවේග රජයේ තෙවන අයවැය වන 2027 මුදල් වර්ෂයට අදාළ අයවැය යෝජනාවලිය ඔක්තොබර් මස 07 වැනිදා පළමුවර කියවීම සඳහා පාර්ලිමේන්තුවට ඉදිරිපත් කෙරුණි.

ජනාධිපතිවරයා විසින් අද අයවැය කතාව පාර්ලිමේන්තුවේ සිදු කිරීමෙන් පසු අයවැය දෙවන වර කියවීමේ විවාදය හෙට (13) සිට දින 07 ක කාලයක් පැවැත්වීමට නියමිතය.

අයවැය කතාව සිදුකෙරෙන අද දිනයේ පාර්ලිමේන්තු සංකීර්ණය ආශ්‍රිතව විශේෂ ආරක්ෂක වැඩපිලිවෙලක් ද ක්‍රියාත්මක කර තිබේ.

2027 අයවැය වැඩසටහන පහතින් දැක්වේ.