දිවයිනට දකුණු දෙසින් මුහුදු සැතපුම් 400ක පමණ දුරින් වූ ගැඹුරු මුහුදේදී මත්ද්‍රව්‍ය සමග නාවික හමුදා භාරයට ගත් බහුදින ධීවර යාත්‍රාවේ හිමිකරු අත්අඩංගුවට ගෙන තිබේ.

හෙරොයින් මත්ද්‍රව්‍ය කිලෝග්‍රෑම් 150කට අධික තොගයක් ප්‍රවාහනය කරමින් සිටියදී නාවික හමුදා භාරයට ගත් අදාළ බහුදින ධීවර යාත්‍රාව අද (17) පෙරවරුවේ දික්ඕවිට ධීවර වරාය වෙත රැගෙනවිත් තිබුණි.

රුපියල් කෝටි 400කට අධික වටිනාකමක් ඇති මත්ද්‍රව්‍ය තොගයක් එහි තිබී සොයාගැනුණි.

දෙනුවන් පුතා නම් අදාළ ධීවර යාත්‍රාවේ සිටි ධීවරයන් සිව්දෙනෙකු එහිදී අත්අඩංගුවට ගත් අතර එහි තිබී මත්ද්‍රව්‍ය බහාලු උර 6ක් සොයාගැනුණි.