මැදපෙරදිග උත්සන්න වෙමින් පවතින ගැටුම් හමුවේ කලාපයේ තෙල් සැපයුම් සම්බන්ධයෙන් මතුව ඇති අවිනිශ්චිතතාව හේතුවෙන්, බ්‍රෙන්ට් බොරතෙල් බැරලයක මිල අද (09) ඩොලර් 100 සීමාව ඉක්මවා ගොස් තිබේ.

ඒ අනුව, බ්‍රෙන්ට් බොරතෙල් බැරලයක මිල ඩොලර් 2.15කින් හෙවත් 2.2%කින් ඉහළ ගොස් ඩොලර් 100.07ක් දක්වා ඉහළ ගොස් ඇති අතර, එය පසුගිය ජූලි 24 වැනිදායින් පසු වාර්තා වූ ඉහළම අගයයි.

මේ අතර, ඇමෙරිකානු වෙස්ට් ටෙක්සාස් ඉන්ටර්මීඩියේට් (WTI) බොරතෙල් බැරලයක මිල ද ඩොලර් 1.70කින් හෙවත් 1.83%කින් ඉහළ ගොස් ඩොලර් 94.73ක් දක්වා ඉහළ ගොස් තිබේ.

පසුගිය මාසයේ මුල් භාගයේ සිට මේ දක්වා බ්‍රෙන්ට් බොරතෙල් මිල 25%කින් පමණ ඉහළ ගොස් ඇති අතර, මාස හයක් පුරා පවතින අමෙරිකානු-ඉරාන ගැටුමට ස්ථිර විසඳුමක් ලැබීම සම්බන්ධයෙන් පැවති අපේක්ෂා ක්‍රමයෙන් පහළ යමින් පවතී.