2026 වසරේ ස්ටැන්ෆර්ඩ්–එල්සෙවියර් (Stanford–Elsevier) ලොව විශිෂ්ටතම විද්‍යාඥයන්ගෙන් ඉහළම 2% අතරට පේරාදෙණිය විශ්වවිද්‍යාලයේ පර්යේෂකයන් 13 දෙනෙකු ඇතුළත් වී ඇත.

ස්ටැන්ෆර්ඩ් විශ්වවිද්‍යාලය සහ එල්සෙවියර් ආයතනය එක්ව සකස් කරන මෙම ජාත්‍යන්තර දත්ත සමුදාය, පර්යේෂකයන්ගේ උපුටා දැක්වීම් දර්ශක, පර්යේෂණ බලපෑම සහ ශාස්ත්‍රීය දායකත්වය පදනම් කරගනිමින් ලොව ප්‍රමුඛ විද්‍යාඥයන් හඳුනාගනී.

විද්‍යාත්මක ක්ෂේත්‍ර 22ක් සහ උපක්ෂේත්‍ර 174ක් ආවරණය කරමින්, සමස්ත වෘත්තීය ජීවිතයේ මෙන්ම වාර්ෂික පර්යේෂණ කාර්යසාධනය ද මෙහිදී ඇගයීමට ලක් කෙරේ.

මෙම ජාත්‍යන්තර ඇගයීම, දැනුම ප්‍රවර්ධනය කිරීම සහ ගෝලීය අභියෝග සඳහා නව්‍ය විසඳුම් සෙවීම උදෙසා පේරාදෙණිය විශ්වවිද්‍යාලයේ පර්යේෂකයන් දක්වන ලද විශිෂ්ට දායකත්වය සනිටුහන් කරන්නකි.