පැවති අයහපත් කාලගුණික තත්ත්වය හේතුවෙන් හබරාදූව, කොක්වත්ත ප්‍රදේශයේ කාන්තාවන් දෙදෙනෙකුට අකුණුසැර වැදී තිබේ.

එහිදී මීපේ රෝහලට ඇතුළත් කිරීමෙන් පසු එක් කාන්තාවක් මියගොස් ඇත. 

මෙලෙස මියගොස් ඇත්තේ වයස අවුරුදු 26ක් වූ කොක්වත්ත, හබරාදූව ප්‍රදේශයේ පදිංචිකාරියකි.

මෙම කාන්තාවන් දෙදෙනා ප්‍රදේශයේ ඇති ඇඟළුම් කම්හලක සේවය කරන අයවලුන් බවත් ඔවුන් නේවාසිකව සිටින ස්ථානයේ රැඳී සිටියදී නිවසට අකුණු සැර වැදීමෙන් ‍මෙම අනතුරට මුහුණපා ඇති බවත් මූලික විමර්ශනවලදී අනාවරණය වී ඇත. 

අනතුරට පත් අනෙක් කාන්තාව වැඩිදුර ප්‍රථිකාර සඳහා කරාපිටිය රෝහලට ඇතුළත් කර ඇති අතර හබරාදූව පොලිසිය විසින් වැඩිදුර විමර්ශන සිදු කරයි.