මහර බන්ධනාගාර පරිශ්‍රය අවට යළිත් නොසන්සුන්තාවක් ඇතිව තිබෙන බවට තොරතුරු වාර්තා වෙයි.

බන්ධනාගාරය තුළින් වෙඩි හඬට සමාන හඬ කිහිපයක් ඇසීමත් සමඟ රැඳවියන් බැලීමට පැමිණ සිටි ඥාතීන් සහ ප්‍රදේශවාසීන් පොලිස් මුර බාධක බිඳගෙන යාමට උත්සහ කර ඇත.

ඒ සමඟ ආරක්ෂක අංශ නිලධාරින් පියවර කිහිපයක් ඉදිරියට පැමිණ එම ජනතාව පාලනය කිරීමට උත්සහ කිරීමේදී නොසන්සුන්තාවක් ඇතිවූ බව සඳහන්ය. 

එම අවස්ථාවේදී රැඳවියන් බැලීමට පැමිණි ඥාතීන් සහ ප්‍රදේශවාසීන් විසින් ආරක්ෂක අංශ නිලධාරින් වෙත ගල් ප්‍රහාර කිහිපයක් ද එල්ල කර ඇති බවට තොරතුරු වාර්තා වෙයි. 

ජල ප්‍රහාරක රථ ද බන්ධනාගාර ඉදිරිපිට පරිශ්‍රය වෙත රැගෙන ඒමට ද කටයුතු කර තිබේ.