ශ්‍රී ලංකාවේ ඩිජිටල් ක්ෂේත්‍රයේ නවෝත්පාදනයන් සහ විශිෂ්ටත්වයන් ඇගයීමට ලක් කරමින්, දේශීය ඩිජිටල් පද්ධතිය සක්‍රීය කිරීමේ සිය භූමිකාව තවදුරටත් තහවුරු කිරීම සඳහා HUTCH ශ්‍රී ලංකා සමාගම BestWeb.LK 2026 සමඟ නිල විදුලි සංදේශ සහකරු ලෙස මෙලෙස අත්වැල් බැඳගෙන ඇත. LK Domain Registry විසින් සංවිධානය කරනු ලබන BestWeb.LK යනු 2009 වසරේ සිට අඛණ්ඩව පවත්වනු ලබන ශ්‍රී ලංකාවේ ප්‍රමුඛතම වෙබ් අඩවි නිර්මාණ තරඟාවලියයි. මෙවර පැවැත්වෙන්නේ එහි දහසයවන අදියර වන අතර, “.lk” ඩොමේනය යටතේ ක්‍රියාත්මක වන විශිෂ්ට වෙබ් අඩවි ඇගයීමට ලක් කිරීමත්, ශ්‍රී ලංකාවේ අන්තර්ජාල අවකාශයේ ප්‍රමිතිය ඉහළ නැංවීම සඳහා ව්‍යාපාර, මෘදුකාංග සංවර්ධකයින්, නිර්මාණකරුවන්, ආයතන සහ ඩිජිටල් නිර්මාණකරුවන් දිරිගැන්වීමත් මෙහි මූලික අරමුණ වේ.

LK Domain Registry සමඟ ඇති කරගත් මෙම සුවිශේෂී සහයෝගීතාවය හරහා, නවක ව්‍යවසායන් (Startups), සුළු හා මධ්‍ය පරිමාණ ව්‍යාපාර (SMEs) මෙන්ම මහා පරිමාණ ව්‍යාපාර සහ රාජ්‍ය ආයතන දක්වා වූ සියලුම කර්මාන්ත ක්ෂේත්‍රයන් හි ව්‍යාපාරික පරිසර පද්ධතීන් බලගැන්වීමට HUTCH සතු කැපවීම තවදුරටත් තහවුරු වේ. ශ්‍රී ලාංකීය ව්‍යාපාර සහ ආයතනවල ඩිජිටල් පැවැත්ම ශක්තිමත් කිරීමට මෙන්ම නවෝත්පාදනයන් වැළඳ ගැනීමට දිරිගැන්වීම සඳහා BestWeb.LK සුවිශේෂී මෙහෙවරක් ඉටු කර ඇත.

නිල විදුලි සංදේශ සහකරු ලෙස HUTCH සමාගම දක්වන මෙම දායකත්වය, දිවයින පුරා විසිරී සිටින ඩිජිටල් විශිෂ්ටයින් හඳුනාගෙන ඇගයීමට ලක් කරන ජාතික වේදිකාව වඩාත් බලගන්වනු ඇත. මෙය සන්නිවේදන සේවා සැපයීමෙන් ඔබ්බට ගොස්, ව්‍යාපාර, ප්‍රජාවන් සහ නවෝත්පාදකයින් හට ඩිජිටල් යුගය තුළ සාර්ථක වීමට මඟපෙන්වමින්, ශ්‍රී ලංකාවේ ශීඝ්‍රයෙන් විකාශනය වන ඩිජිටල් ක්ෂේත්‍රය නංවාලීම උදෙසා වූ සමාගමේ ප්‍රධාන මෙහෙවර තවදුරටත් තහවුරු කරයි.