නව පොලිස්පති නීතීඥ ප්‍රියන්ත වීරසූරිය මහතා සිය ධුරයේ වැඩ බාර ගැනීම අද(14) උදෑසන කොළඹ 02 පොලිස් මූලස්ථානයේදී සිදුකිරීමට නියමිතයි.

පොලිස් උත්තමාචාරය මධ්‍යයේ ඔහු වැඩ බාර ගන්නා බව පොලිස් මාධ්‍ය ප්‍රකාශක සහකාර පොලිස් අධිකාරී එෆ්.යූ. වුට්ලර් මහතා සඳහන් කළේය.

නීතිඥ ප්‍රියන්ත වීරසුරිය මහතා ශ්‍රී ලංකා පොලීසියේ 37 වැනි පොලිස්පතිවරයායි.

නීතිඥ ප්‍රියන්ත වීරසුරිය මහතා, පොලිස් කොස්තාපල් , උප පොලිස් පරික්ෂක සහ සහකාර පොලිස් අධිකාරි ධුරවල සේවය කරමින්, පොලිස්පති ධුරයට පත් වූ පළමු පොලිස්පතිවරයා ලෙස ඉතිහාසයට එක්වේ.