මඩොල්සිම පුංචි ලෝකාන්තය නැරඹීමට බියගම මල්වානේ ප්‍රදේශයේ සිට පැමිණි සංචාරක පිරිසකට අද (5) එල්ලවු බඹර ප්‍රහාරයකින් නවදෙනෙකු තුවාල ලබා ලුණුගල රෝහලට ඇතුලත් කළබව මඩොල්සිම පොලිසිය පවසයි .

බියගම මල්වාන ප්‍රදේශයේ දස දෙනෙකුගෙන් සමන්විත තරුණයන් පිරිසක් මඩොල්සිම පුංචි ලෝකාන්තය නැරඹීමට ඊයේ (4) පැමිණ රාත්‍රි මඩොල්සිම පුංචි ලෝකාන්තය අසල කුඩාරම් ගසා රාත්‍රි ගතකර අද (5) උදෑසන පුංචි ලෝකාන්තය නැරඹීමට ගොස් සිටියදි මෙසේ එක්වරම ඒ අසල බැද තිබු බඹර කූඩුවක් ඇවිස්සී මොවුන්ට විදීමට පටන් ගෙන ඇතයි පොලිසිය කීය .

පසුව බඹර ප්‍රහාරයට ගොදුරු වූවන් ඒ මේ අත දිවගොස් ඇති බවත් ඔවුන්ට බඹරුන් එළව එළවා ප්‍රහාර එල්ලකර ඇති බවත් පොලිසිය සදහන් කලේය . පසුව ඒ අවට උදවිය මඩොල්සිම පොලිස් නිළධාරින් එක්වී දුම්ගසා බඹරුන් පළවාහැර තුවාල ලැබූවන් ලුණුගල රෝහලට ඇතුලත් කල බවත් පොලිසිය පවසයි