අමෙරිකානු මධ්‍ය කාලීන මැතිවරණයේදී ඩිමොක්‍රටික් පක්ෂය කොංග්‍රසයේ බලය අත්පත් කරගැනීමත් සමඟ ජනාධිපති ඩොනල්ඩ් ට්‍රම්ප්ට සිය දේශපාලන ප්‍රතිපත්ති වෙනස් කරන ලෙස රිපබ්ලිකන් පක්ෂයේ සාමාජිකයන්ගෙන් දැඩි බලපෑම් එල්ල වී තිබේ.

මෙම මැතිවරණ පරාජය ට්‍රම්ප්ගේ දේශපාලන අනාගතයට දැඩි බලපෑමක් එල්ල කළ හැකි බවට රිපබ්ලිකන් පක්ෂයේ ජ්‍යෙෂ්ඨ සාමාජිකයන් අනතුරු අඟවා ඇත.

ඒ අනුව ධවල මන්දිරයේ ඉහළ පෙළේ නිලධාරීන් වෙනස් කිරීම, පරිපාලනය තුළ විනය ඇති කිරීම සහ ඉරානය සමඟ යුද්ධය හා තීරුබදු ප්‍රතිපත්ති ඇතුළු මතභේදාත්මක තීරණ නැවත සලකා බලන ලෙස ඔවුන් ඉල්ලා සිටී.

රිපබ්ලිකන් පක්ෂයේ ප්‍රවීණ දේශපාලන උපායමාර්ගිකයෙකු වන ජෝන් ෆීහෙරි මෙම ප්‍රතිඵලය ට්‍රම්ප්ට විශාල දේශපාලන ව්‍යසනයක් බව සඳහන් කර තිබේ.

කෙසේ වෙතත්, මැතිවරණ ප්‍රතිඵලය තමන්ට එරෙහි ජනමතයක් ලෙස නොසලකන බව ට්‍රම්ප් ප්‍රකාශ කර ඇත.