දක්ෂිණ අධිවේගී මාර්ගයේ ධාවනය වෙමින් තිබූ සුඛෝපභෝගී මෝටර් රථයක් අද (07) උදෑසන මාර්ගයෙන් ඉවතට ධාවනය වී ආරක්ෂිත වැටේ ගැටී අනතුරට පත්ව තිබේ.

දොඩංගොඩ කිලෝමීටර් 32.4 ප්‍රදේශයේදී මෝටර් රථය මාර්ගයෙන් ඉවතට ගොස් මෙම අනතුර සිදුව ඇත.

අනතුරින් මෝටර් රථයේ සිටි කාන්තාවක් සුළු තුවාල ලබා ඇති බවද සඳහන් වේ.

පොලීසිය පැවසුවේ කටුනායක බණ්ඩාරනායක ජාත්‍යන්තර ගුවන්තොටුපොළ වෙත ගොස් නැවත මාතර බලා යමින් සිටියදී නඩත්තු කටයුතු සඳහා දමා තිබූ ආවරණ මාර්ගබාධකවල ගැටී ඉදිරියට ධාවනය වී මාර්ගය මැද ඇති ආරක්ෂිත වැටේ ගැටී මෙම අනතුර සිදුව ඇති බවය.  

අනතුරින් අධිවේගී මාර්ගයේ මැද ආරක්ෂිත වැටට සහ මාර්ග බාධකවලට මෙන්ම මෝටර් රථයටද දැඩි හානි සිදුව ඇත.

සිද්ධිය සම්බන්ධව පොලීසිය වැඩිදුර විමර්ශන පවත්වයි.