නිශ්චිත සේවාවන් සහ කාර්යයන් කිහිපයක් ඉටු කර ගැනීමේදී වලංගු බදු ගෙවන්නා හඳුනාගැනීමේ අංකය හෙවත් TIN අංකය ඉදිරිපත් කිරීම අද (01) සිට අනිවාර්ය කර තිබේ.

ඒ අනුව, දේශීය ආදායම් දෙපාර්තමේන්තුව පෙන්වා දෙන පරිදි පහත සඳහන් කටයුතුවලදී TIN අංකය ඉදිරිපත් කිරීම අත්‍යවශ්‍ය වේ:

• බැංකුවක හෝ මූල්‍ය ආයතනයක නව ගිණුමක් විවෘත කිරීම
• ගොඩනැගිලි සැලැස්මක් සඳහා අනුමැතිය ලබාගැනීම
• මෝටර් රථයක් ලියාපදිංචි කිරීම සහ මෝටර් රථ බලපත්‍රයක් අලුත් කිරීම
• ඉඩමක් හෝ ඉඩමක හිමිකම ලියාපදිංචි කිරීම
• ව්‍යාපාරයක් ලියාපදිංචි කිරීම
• ශ්‍රී ලංකාවේ සංස්ථාපිත සමාගමක කොටස් පැවරීම
• ණය කාඩ්පතක් (Credit Card) ලබාගැනීම

මෙම කාර්යයන් සිදු කිරීමට පෙර, අදාළ වගකිවයුතු නිලධාරීන් විසින් TIN අංකයේ වලංගුභාවය තහවුරු කර ගත යුතු බව දේශීය ආදායම් දෙපාර්තමේන්තුව අවධාරණය කරයි.