2027 වසර වනවිට පළාත් නවයටම එකම පෙර පාසල් අධ්‍යාපන ක්‍රමයක් ක්‍රියාත්මක කිරීමට කටයුතු කරන බව කාන්තා හා ළමා කටයුතු අමාත්‍ය සරෝජා සාවිත්‍රී පෝල්රාජ් මහත්මිය පවසයි. 

ඇය මේ බව ප්‍රකාශ කළේ, මුල් ළමාවිය අධ්‍යාපන සංවර්ධන වැඩටහන සමාරම්භක උලෙළ අමතමිනි. 

මුල් ළමාවිය අධ්‍යාපනය රටේ ඇති සෙසු අධ්‍යාපනික කටයුතු සමඟ සමාන්තරව යා යුතු බවත් ඊට අධ්‍යාපන අමාත්‍යාංශය ද සම්බන්ධ වූ විය යුතු බවත් සරෝජා පෝල්රාජ් මහත්මිය කියාසිටියාය. 

පෙර පාසල් විෂය මෙරට තුළ අවිධිමත් ලෙස පවතින අතර එය තවමත් රාජ්‍ය සේවයක් බවට පත්ව නොමැති බව ඇය පෙන්වා දෙයි. 

සරෝජා පෝල්රාජ් මහත්මිය වැඩිදුරටත් අවධාරණය කරන්නේ, ගුරුවරුන් බඳවාගැනීම සඳහා ක්‍රියා පටිපාටියක් සහ ඔවුන් නිරීක්ෂණය අමාත්‍යාංශයක් ද නොමැති බවය.