මීගමුව බන්ධනාගාරයේ රැඳවියන් දෙපිරිසක් අතර හටගත් ගැටුමෙන් දෙදෙනෙකු මරණයට පත්ව ඇති බව රෝහල් ආරංචි මාර්ග සඳහන් කළේය.

අද (05) දහවල් මෙම ගැටුම හටගත් අතර, එහිදී තුවාල ලැබූ රැඳවියන් 25කට අධික සංඛ්‍යාවක් මීගමුව රෝහලට ඇතුළත් කිරීමට කටයුතු කෙරුණි.

අප වාර්තාකරු පැවසුවේ, මේ වනවිට මීගමුව පරිශ්‍රය වෙත, පොලීසිය සහ පොලිස් විශේෂ කාර්ය බළකාය කැඳවා ඇති බවය.

මත්ද්‍රව්‍ය ජාවාරමක් පාවාදීමේ සිදුවීමක් මුල්කරගනිමින් ගැටුම හට ගෙන ඇතැයි වාර්තා වේ.