මොරටුව විශ්වවිද්‍යාලය ඩෙංගු අවදානම් තත්ත්වයක් හේතුවෙන් තාවකාලිකව වසා දමා තිබේ.

ඊයේ (06) දිනයේ සිට සති දෙකක කාලයක් සඳහා එම විශ්ව විද්‍යාලය වසා දැමීමට විශ්ව විද්‍යාල පාලනාධිකාරිය පියවර ගෙන ඇත.

මේ දිනවල විශ්වවිද්‍යාලයේ විභාග කටයුතු පැවැත්වෙන අතර උණ රෝග වැළදී ඇති ඇතැම් සිසුන් එම විභාග සඳහා සහභාගි වී ඇති බව ද වාර්තා වේ.

ඒ හේතුවෙන් මෙසේ විශ්වවිද්‍යාලය තාවකාලිකව වසා දැමීම පියවර ගෙන තිබේ.

කෙසේවෙතත් එම විශ්ව විද්‍යාල පාළන අධිකාරිය සදහන් කළේ මාර්ගගත ක්‍රමය ඔස්සේ සිසුන් සඳහා දේශන කටයුතු සිදු කරන බවය.

ඒ අනුව ඊයේ දිනයේ සිට සති දෙකක කාලයක් වසා දැමුනු මොරටුව විශ්වවිද්‍යාලයේ අධ්‍යන කටයුතු එළඹෙන 21 වනදා යළි ආරම්භ කිරීමට නියමිතය.