2020 අගෝස්තු 20 වනදා රැස්වීම් ආරම්භ වී 2024 සැප්තැම්බර් 24 වනදා මධ්‍යම රාත්‍රියේ විසුරුවා හරිනු ලැබූ 9වන පාර්ලිමේන්තු කාලසීමාව තුළදී පනත් 167ක් සම්මතවී ඇති බව ශ්‍රී ලංකා පාර්ලිමේන්තුව නිවේදනය කරයි.

රජයේ පනත් 146 ක් සහ පෞද්ගලික මන්ත්‍රී පනත් 21ක් ලෙස අදාළ පනත් 167 සම්මතවී ඇත.

ශ්‍රී ලංකා පාර්ලිමේන්තුවේ, අධ්‍යක්ෂ ව්‍යවස්ථාදායක සේවා / අධ්‍යක්ෂ සන්නිවේදන (වැඩබලන) එම්. ජයලත් පෙරේරා මහතා නිවේදනයක් නිකුත් කරමින් මේ බව දැනුම්දී තිබේ.

වර්ෂය          ‍  රජයේ පනත්     පෞද්ගලික මන්ත්‍රී පනත්

2020                07          00

2021                30          00

2022                44          02

2023                29          05

2024                36          14

--------------------------------------------------------------------------------------------

මුළු ගණන            146         21

මෙලෙස සම්මතවූ පනත් අතරින් විශේෂ පනත් කිහිපයක් පහතින් දැක්වෙයි.

*2023 අංක 3 දරන මැතිවරණ වියදම් නියාමන පනත.

*2023 අංක 6 දරන පාර්ලිමේන්තු අයවැය කාර්යාලය පනත.

*2023 අංක 9 දරන දූෂණ විරෝධී පනත.

*2023 අංක 16 දරන ශ්‍රී ලංකා මහ බැංකු පනත. 

*2023 අංක 21 දරන මැතිවරණ (විශේෂ විධිවිධාන) පනත. 

*2023 අංක 28 දරන දූෂණ විරෝධී (සංශෝධන) පනත. 

*2024 අංක 9 දරන මාර්ගගත ක්‍රමවල සුරක්ෂිත භාවය පිළිබඳ පනත. 

*2024 අංක 36 දරන ශ්‍රී ලංකා විදුලිබල පනත. 

*2024 අංක 37 දරන කාන්තාවන් සවිබල ගැන්වීමේ පනත.

*2024 අංක 44 දරන රාජ්‍ය මූල්‍ය කළමනාකරණ පනත. 

*2024 අංක 45 දරන ආර්ථික පරිවර්තන පනත යන පනත.