පිනි පලස

මට සාමාන්‍යයෙන් ෆෝන් එක නැතිව ඉන්න පුළුවන්

අසේකා විජේවර්ධන – INSIDE MY BAG

1.අසේකා නිතරම හෑන්ඩ්බෑග් පාවිච්චි කරනවා ද ?
ඔව්. හෑන්ඩ්බෑග්වලට සහ සපත්තුවලට ලොකු කැමැත්තක් තියෙනවා. මං සාමාන්‍යයෙන් නිතරම මගේ බඩුබාහිරාදිය යන තැන්වල අමතක කරලා එන කෙනෙක්. ඒ නිසා හෑන්ඩ්බෑග් එක මට නිතරම අවශ්‍ය වෙනවා.

2.සාමාන්‍යයෙන් අසේකාගේ හෑන්ඩ්බෑග් එකේ තියෙන දේවල් මොනවා ද ?
මගේ පර්ස් එක, සන්ග්ලාසස්, ෆර්පියුම්, බොඩි ස්ප්‍රේ, මින්ට්, පොඩි පෑන් එකක්, හෑන්ඩ් ෆ්‍රී එක, වෙට් ටිෂු, සාමන්‍ය ටිෂු, හෑන්ඩ් ක්‍රීම් එක සහ එදාට ගාගෙන යන ලිප්ස්ටික් එක තියෙනවා. මං වැඩිය මේකප් කරන කෙනෙක් නෙවෙයි. ඒත් මං ආසම ලිප්ස්ටික් සහ මස්කාරා, අයිලයිනර් එක වගේ පොඩි දේවල් ටිකක් දාපු මේකප් බොක්ස් එකකුත් බෑග් එකේ තියෙනවා.

3.ඒ අතරින් නැතිවම බැරි දේ මොකක් ද ?
ගොඩක්ම පර්ස් එකයි, ෆර්පියුම් එකයි තමා.

4.බෑග් එකේ ආගමික දේවල් තියෙනවා ද ?
නැහැ.


5.
අසේකාට කාව හරි බෑග් එකේ දාගෙන යන්න අවස්ථාවක් ලැබුණොත් කාවද අරගෙන යන්නේ ?
Kenzy ව. ඒ කියන්නේ මගේ පොඩි බලු පැටියාව.

6.කා එක්ක හරි බෑග් එකක් හුවමාරු කරගන්න අවස්ථාවක් ලැබුණොත් කාගේ බෑග් එකද ගන්නේ ?
අනේ නැහැ. මන් ආස නැහැ මගේ බෑග් එක කා එක්කවත් හුවමාරු කරන්න.

7.ලෝක ප්‍රසිද්ධ කෙනෙක්ගේ බෑග් එකක් ඇතුළෙ තියෙන දේවල් දැනගන්න චාන්ස් එකක් ලැබුණොත් අසේකා කාගේ බෑග් එකද බලන්නේ ?
දීපිකා පදුකෝන්ගේ තමා.

8.ඇඳුමේ පාටට ගැළපෙන්න හෑන්ඩ්බෑග් භාවිත කරනවා ද ?
එහෙමම නැහැ. සාමාන්‍යයෙන් මං ගාව බෑග් විසිපහක, තිහක විතර එකතුවක් තියෙනවා. ඒ හෑන්ඩ් බෑග් ඕනිම ඇඳුමකට ගැළපෙන වර්ණ. නමුත් විශේෂ අවස්ථාවකදී උත්සවයකදී නම් ඉඳලා හිටලා ගළපන අවස්ථා තියෙනවා.

9.ඕනිම තැනකින් හෑන්ඩ්බෑග් එකක් දැක්කොත් ගන්නවා ද ? සලකන කරුණු මොනවා ද?
ඔව්. සංචාරවලට ගියාම ගත්ත බෑග් තමයි ගොඩක් තියෙන්නේ. මොකද ඒ රටවල තියෙන ඒවා ලංකාවට ආවම තව පොඩ්ඩක් ගණන් වැඩි වෙනවනේ. එහෙම ගත්තු බෑග් වගේම ලංකාවේ දී තෑගි ලැබුණු බෑග් එහෙමත් තියෙනවා. මං සාමාන්‍යයෙන් ලොකු බෑග්වලට ආස නැහැ. පැත්තෙන් එල්ලන් යන දිග හැන්ඩ්ල් තියෙන බෑග්වලට කැමති නැහැ. මං කැමති පොඩි බෑග්වලට. අනිවාර්යෙන් බෑග් එක ලොක් වෙනවා නම් කැමතියි. මේ ටික සහ ඒ වගේම බෑග් එකේ හැඩේ සලකන කරුණු අතරේ තියෙනවා. ඒ වගේම බෑග් එකේ ගාණ බලනවා. නමුත් බ්‍රෑන්ඩ් එක නම් එහෙම ලොකුවට බලන්නේ නැහැ.

10.කැමැතිම හෑන්ඩ්බෑග් එකක් තෑග්ගක් විදියට ලැබිලා තියෙනවා නම් ඒ කාගෙන් ද ?
මගේ අන්තිම උපන්දිනයට මගේ නැන්දා සහ නෑදෑයෝ ටික එකතු වෙලා බෑග් එකක් දුන්නා. මං ඒ බෑග් එකට ආසයි.

11.හෑන්ඩ්බෑග් එක ටික වෙලාවකට කා ගාව හරි තියල යන්න ඕනි වුණොත් අසේකා බෑග් එක තියලා යන්නේ කා ගාව ද ?
මගේ පවුලේ අය ඔක්කොම විශ්වාසයි. එහෙම කවුරුත් නැති වුණොත් චන්දනට දීලා යනවා. චන්දන කියන්නේ අපේ වාහනේ රියැදුරු සහ අපි එක්ක සමීපයෙන් වැඩ කරන කෙනෙක්. ඔහු තමයි මා එක්ක නිතර යැවෙන්නෙත්.

12.බෑග් එකක් නිසා සිදුවුණු අමතක නොවන සිදුවීම් තියෙනවා ද ?
මට අමතක නොවන සිදුවීමකට වෙන්නේ බෑග් ඔහේ හැමතැනම අමතක වෙලා දාලා යන එක. වෙලාවට අපේ කණ්ඩායමේ කවුරු හරි ළමයෙක් ඒක දැකලා අරන් එනවමයි. ඒ නිසා නැති වෙලා නැහැ.

අරුණි කළුපහන

INSIDE MY PHONE – අසේකා විජේවර්ධන
1.අසේකාගේ phoneඑකේ wallpaperඑක මොකක්ද ?
කළු සුදු මගේ පින්තුරයක්.

2.අසේකාගේ phoneඑකේ ගැලරි එකේ තියෙන පරණම ෆොටෝවලින් ආසම එක මොකක්ද?
මගේ පොඩි කාලේ පින්තුරයක්.

3.Phoneඑකේ ගැලරි එකේ පින්තුර කීයක් විතර තියෙනවා ද ?
අටදාස් හයසිය හැටක් තියෙනවා.

4.අන්තිම ෆොටෝ එකේ ඉඳන් ආපස්සට තියෙන තුන්වෙනි ෆොටෝ එක මොකක් ද ?
මං නර්තනයේ යෙදෙන පින්තුරයක්.

5.අසේකා ට වැඩිපුරම කෝල් කරන කෙනා කවුද ?
අම්මා

6.අසේකා අන්තිමට කෝල් එක ගත්තේ කාට ද ?
අපේ ගෙදර ඉන්න රංජනීට.

7.අසේකාට අන්තිමට කෝල් කරපු ප්‍රසිද්ධ කෙනා කවුද ?
තාත්තා. චන්න විජේවර්ධන. මං ඉවෙන්ට් එකක් ඉවර වෙලා එන ගමන් හිටියේ. ඒක ගැන කතා කරන්න තාත්තාට ගත්තා. ඒ වගේම දිනක්ෂි කෝල් කරා.

8.phoneඑකේ අන්තිමටම ඕපන් කරපු ටැබ් තුන මොකක් ද ?
instagram, සාමාන්‍ය massege open කරා, ඒ වගේම photo gallery එක.

9.අන්තිමට පාවිච්චි කරපු ඇප් එක මොකක් ද ?
Instagram

10.වැඩිපුරම playකරන ගේම් එක මොකක් ද ?
ගේම් නම් වැඩිය play කරන්නේ නැහැ. හැබැයි ඉස්සර නම් සෑහෙන්න ටෙම්පල් රන් ප්ලේ කරා. ඒක නිසා ඒක තාම තියෙනවා. අවස්ථාවක් ලැබුණොත් මං ප්ලේ කරන්න ආසම ගේම් එක ටෙම්පල් රන්.

11.සාමාන්‍යයෙන් අසේකා එලාර්ම් එක තියන්නේ කොහොමද ?
6.30ට සාමාන්‍යයෙන් තියෙනවා. මං එලාර්ම් එක නිතර තියෙනවා. මොකද නිදා ගත්තාම මට ලේසියකට ඇහැරෙන්නේම නැහැ.

12.අන්තිමට ගුගල් කරේ මොනවා ද ?
චොකලට් පැක්ස් ගන්න තැනක් තමයි හෙව්වේ. අපි අද ළමයින් වගයක් ඉදිරියේ නර්තනයේ යෙදුනා. එයාලට දෙන්න චොකලට් අරන් යන්න තැනක් ගුගල් කරා.

13.Phoneඑකේ තියෙන දේවල්වලින් නැතිවම බැරි දේ මොකක් ද ?
කැමරාව. මං ෆොටෝ ගන්න ආස කෙනෙක්.

14.අන්තිමට අහපු සින්දුව මොකක් ද ?
හර්ෂ විතානගේ ගායනා කරන සඳනාරි ( හුස්මේ සැමදා ) සින්දුව.

15.ලෝක ප්‍රසිද්ධ කෙනෙක්ගේ ෆෝන් එකක් බලන්න අවස්ථාවක් ලැබුණොත් කාගේ ෆෝන් එක ද බලන්නේ ?
මං ආසම නැති වැඩේ තමයි අනිත් අයගේ ෆෝන් බලන එක.

16.ෆෝන් එක නිසා සිදුවුණු අමතක නොවන සිදුවීම් තියෙනවා ද ?
මට කවදාවත් අමතක වෙන්නේ නැහැ, මගේ කලින් තිබුණු phone එකක් නැති වුණා. ඒ මං රට ගිහින් ආව ගමන්ම වගේ. මං පින්තුර කොහෙවත් සේව් කරලා තිබුණෙත් නැහැ. ඉතින් ඒකෙ මට අවශ්‍ය පින්තුර, අවශ්‍ය දේවල් ගොඩක් තිබුණා. ඒ ෆෝන් එක හොයා ගන්න බැරි වුණා. ඒ නිසා මාස ගාණනක් දුක් වුණා. මට සාමාන්‍යයෙන් ෆෝන් එක නැතිව ඉන්න පුළුවන්, ඒත් කවුරු හරි හොරකම් කළාම ඒ ෆෝන් එකේ තියෙන දේවල් ආයේ හම්බෙන්නේ නැති නිසා දුකයි.

අරුණි කළුපහන