ECT පර්යන්තයෙන් කෝටි 32ක ආදායමක්
09 January 2021
ECT පර්යන්තයෙන් කෝටි 32ක ආදායමක්
09 January 2021
මහත් ආන්දෝලනයකට තුඩු දී ඇති කොළඹ වරායේ නැගෙනහිර පර්යන්තය (ECT) ස්ථාපිත කර වැඩ ආරම්භ කර ගෙවුණු මාස දෙක තුළ පමණක් එහි බහලුම් ගොඩ බෑම හා පැටවීමෙන් රුපියල් කෝටි තිස් දෙකක (32) ලාභයක් වරාය අධිකාරියට ලැබී ඇත. ඒ නැව් විසි අටක මෙහෙයුම් කටයුතුවලදීය.
පසුගිය වසරේ ඔක්තෝම්බර් 27 දින නැගෙනහිර පර්යන්තයේ මෙහෙයුම් කටයුතුද ආරම්භ කළ අතර පසුගිය දෙසැම්බර් 28 දින වන විට එම නැව්වල මෙහෙයුම් කටයුතු සිදු කර ඇත.
ඊට අමතරව වරායට පිවිසුම් ගාස්තු, ටග් යාත්රා ගාස්තු, නැවේ බර අනුව අය කරන ගාස්තු ආදි අයකිරීම්වලින්ද විශාල මුදලක් උපයා තිබේ.
එම ජැටිය ඉදිකිරීමෙන් පසුව ජපානය හා ඉන්දියානු සමාගම් දෙකකට පැවරීමට අදාළ මූලික එකඟතාවක් පසුගිය රජය සමයේ දී තිබී ඇති අතර ඊට වෘත්තීය සමිති දැඩි විරෝධයක් එල්ල වීය. එහෙත් පසුගියදා අගමැති මහින්ද රාජපක්ෂ පාර්ලිමේන්තුවේදී පැවසුවේ එවැනි කිසිදු තීරණයක් වත්මන් රජය ගෙන නොමැති බවයි.
චමින්ද සේනාරත්න