කොවිඩ් ආසදිතව ප්‍රතිකාර ලැබූ තවත් රෝගීන් 574 දෙනෙකු අද (28) දින සුවය ලබා ඇති බව සෞඛය අංශ සඳහන් කරනවා.

උසස් පෙළ විභාගයේ ප්‍රතිඵල අප්‍රේල් මාසයේ දී නිකුත් කිරීමට කටයුතු කරන බව අධ්‍යාපන අමාත්‍ය මහාචාර්ය ජී එල් පීරිස් මහතා සඳහන් කර ඇත.

ශ්‍රී ලංකා කණ්ඩායමේ හිටපු ක්‍රිකට් ක්‍රීඩකයින් දෙනෙකු වන සුරාජ් රන්දිව් හා චින්තක ජයසිංහ, ඔස්ට්‍රේලියාවේ මෙල්බන් නගරයේ බස් රියදුරන් ලෙස සේවය කරන බව වාර්තා වනවා.

මඩකලපුව දිස්ත්‍රික්කයේ කාත්තාන්කුඩි සෞඛ්‍ය බල ප්‍රදේශයට අයත් ප්‍රදේශ කිහිපයක හුදකලා බව හෙට සිට ඉවත්වේ.

2019 වසරේ මිලියන 63,000 පැවති අපනයන කෘෂි භෝග ආදායම වසරක් තුළ රුපියල් මිලියන 73,000 දක්වා වර්ධනය කිරීමට හැකි වී ඇතැයි අග්‍රමාත්‍ය මහින්ද රාජපක්ෂ මහතා සඳහන් කරනවා.

හැටන් කලාප අධ්‍යාපන කාර්යාලය යටතේ පාලනය වන බගවන්තලාව ප්‍රදේශයේ පාසලක විදුහල්පතිවරයෙකුට කිසියම් පිරිසක් විසින් පහරදීමක් සිදුකර ඇත.

යාපනය බන්ධනාගාරයේ කොවිඩ් ආසාදිත රැඳවියන් 52 දෙදෙනෙකු හඳුනාගෙන ඇතැයි යාපනය පොලීසිය සඳහන් කරනවා.

ගල්නෑව පොලිස්වසමේ නෑගම ප්‍රදේශයේ දී සොරකම් කරන ලද යතුරුපැදි මිලටගෙන කොටස් කර විකුණන ස්ථානයක් පොලීසිය විසින් හඳුනා ගෙන ඇති අතර සිද්ධියට අදාළ සැකකරුවකු අත්අඩංගුවට ගෙන ඇත.

වැලිපැන්න බොන්දුපිටිය ප්‍රදේශයේ ව්‍යාපාරිකයකුගේ නිවසට පැමිණ රුපියල් ලක්ෂ 22 ක් සොරා ගැනීමේ සිද්ධියකට සාමිවරයෙක් අත්අඩංගුවට ගෙන තිබේ.

ප්‍රේත දෝෂයක් ඉවත් කිරීම සඳහා දැරියකට වේවැලකින් පහර දී ඇති අතර පහර කෑ' දැරිය මේ වන විට මියගොස් තිබේ.