සිංහරාජ වනයේ ජාන කොල්ලයට සම්බන්ධ ස්ලෝවැකියානු ජාතිකයින් පසුගිය කාලයේදී අවස්ථා අටකදී මේ රටට පැමිණ ඇති බව වාර්තා වේ. පැළෑටි සහ සත්ත්ව කොටස් සමග කලවාන ප්‍රදේශයේදී අත්අඩංගුවට ගත් ස්ලෝවැකියානුවන් කලවාන අධිකරණයට ඉදිරිපත් කළ පසු රුපියල් ලක්ෂ 106ක දඩයක් නියම කර ඇත. ස්ලෝවැකියානු තානාපතිවරයා මෙරටට පැමිණ එම දඩය ගෙවා ඔවුන් නිදහස් කර ගෙන ගොස් ඇත. වැඩි පිරිසක් සංචාරක වීසා මත පැමිණ මෙවැනි ජාවාරම්වල නිරත වන බවද වාර්තා වේ.