ඉල්ලීම් කිහිපයක් මුල් කරගනිමින් ගුරු විදුහල්පති වෘත්තීය සමිති ලබන 26 සහ 27 යන දෙදින තුල දීපව්‍යාප්ත වැඩ වර්ජනයක නිරත වීමට තීරණය කර ඇත. ඒ බව ගුරු විදුහල්පති වෘත්තීය සංගමය සඳහන් කරන අතර ලංකා ගුරු සංගමයේ සභාපතිවරයා ඇතුළු නියෝජිතයින් අනුරාධපුරයේදී මාධ්‍ය හමුවක් කැඳවමින් සඳහන් කළේ වසර 22ක් තිස්සේ පවතින ගුරු සහ විදුහල්පතිවරුන්ගේ ගැටලු විසඳීමට බලධාරීන් මැදිහත් නොවීමට එරෙහිව මෙම වෘත්තීය ක්‍රියාමාර්ගයට එළඹෙන බවය. ඒ අනුව ගුරු විදුහල්පති වෘත්තීය සමිති 31 එක්ව මේ පිළිබඳව තීරණය කර ඇත.