මෙරටට ගෙන්වන ලද කහ අඩංගු බහාලුම් 40කට අධික සංඛ්‍යාවක් සම්බන්ධයෙන් ශ්‍රී ලංකා රේගු දෙපාර්තමේන්තුව විමර්ශන ආරම්භ කර ඇත. අප්‍රේල් 16 වන දින අති විශේෂ ගැසට් පත්‍රයක් මඟින් කහ ඇතුළු භාණ්ඩ විශාල ප්‍රමාණයක් ආනයනය කිරීම තාවකාලිකව සීමා කළේය. අතිරේක රේගු අධ්‍යක්ෂ ජනරාල්, රේගු මාධ්‍ය ප්‍රකාශක සුනිල් ජයරත්න මහතා සඳහන් කළේ විමර්ශනයේ දී මෙම කහ බහලුම් නීති විරෝධී ලෙස ගෙන්වා ඇති බවට අනාවරණය වුවහොත් ඒවා රාජසන්තක කිරීමට පියවර ගන්නා බවය.