මහත් ආන්දෝලනයට තුඩු දී ඇති වෛද්‍ය මොහොමඩ් සාෆිගෙන් සිසේරියන් සැත්කම් කළ මුස්ලිම් හා දෙමළ මව්වරුන් කැඳවා පරීක්ෂණයක් කරන ලෙස අසාධාරණයට ලක් වූ සිංහල මව්වරු ඉල්ලා සිටිති. දැනට එම වෛද්‍යවරයාගෙන් සිසේරියන් සැත්කම් කිරීමෙන් දරු පිළිසඳ ගැනීමක් නොවූ බවට චෝදනා කරමින් කුරුණෑගල හා දඹුල්ල රෝහල්වලට 742ක් පැමිණිලි කර තිබේ. වෛද්‍යවරයාගෙන් සිසේරියන් සැත්කම් කිරී‍මෙන් පසුව දරුවන් පිළිසිඳ නොගැනීමත් සැත්කමෙන් පසු අතුරු ආබාධ ඇති වීමත් යන කරුණු සම්බන්ධයෙන් මෙසේ පැමිණිලි ඉදිරිපත් කර ඇත. ඔවුන් පවසන්නේ එම කාලය තුළදී සිසේරියන් සැත්කම් සිදු කළ මුස්ලිම් හා දෙමළ මව්වරු කැඳවා හෝ ඔවුන් පදිංචි ස්ථානවලට ගොස් පරීක්ෂා කර බලන ලෙසය.