දෛනිකව උදෑසන සහ සවස් කාලයේ පැය කිහිපයක කාලයක් විදුලි කප්පාදු කිරීමට සිදුවන බව ලංකා විදුලි බල මණ්ඩලය සඳහන් කරයි. උදෑසන 8.30 – 11.30 ත් අතර පැය 3 ක කාලයක් සහ සවස 6.30 – 7.30 ත් අතර කාලයේ හෝ රාත්‍රී 7.30 – 8.30 ත් අතර පැයක කාලයක් එම විදුලි කප්පාදුව සිදු කිරීමට පියවර ගෙන ඇති බව වාර්තා වෙයි. පවතින වියළි කාලගුණයත් සමග විදුලිය සඳහා අධික ඉල්ලුමක් පැවතිය ද ඊට සරිලන සැපයුමක් ලබාදීමට නොහැකි තත්ත්වයක් නිර්මාණය වී ඇතැයි ද එම මණ්ඩලය පෙන්වා දෙන අතර මෙරට ග්‍රීඩ් උපපොළවල් 50 කට අධික සංඛ්‍යාවක් පවතින අතර එම ග්‍රීඩ් උපපොළවල් මට්ටමින් මෙම විදුලි කප්පාදුව සිදුවනු ඇත.