සහරාන් සමඟ පුහුණුව ලැබූ තවත් තිදෙනෙකු අම්පාරේදී අත්අඩංගුවට
15 August 2019
සහරාන් සමඟ පුහුණුව ලැබූ තවත් තිදෙනෙකු අම්පාරේදී අත්අඩංගුවට
15 August 2019
තවුහිද් ජමාත් සංවිධානයේ නායක සහරාන් හෂීම් සමග නුවරඑළිය සහ හම්බන්තොට කදවුරුවල පුහුණුව ලැබූ තවත් තුන්දෙනෙකු රාජ්‍ය බුද්ධි සේවාවේ තොරතුරු මත අම්පාර පොලීසිය විසින් අද(15) අත්අඩංගුවට ගෙන ඇත.
සැකකරුවන් ජමාතේ මිලාතේ ඊබ්‍රහිම් සංවිධානවල සාමාජිකයින් ලෙස කටයුතු කර ඇති බව අනාවරණය වී ඇති අතර ඔවුන් මාවනැල්ල ප්‍රදේශයේ පදිංචිකරුවන් වෙයි.
අත්අඩංගුවට ගත් පුද්ගලයින්ගෙන් දෙදෙනෙකු නුවරඑළිය කදවුරේත්, අනෙක් පුද්ගලයා හම්බන්තොට කදවුරේත් පුහුණුව ලබා ඇති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර සදහන් කළේය.